English | عربی | Kurdî دواهەواڵ
ڕاستەوخۆ  
 
گەندەڵیێکی گەورەی جیرارد پیکێ ئاشکرابوو
2022-04-18 [10:06 AM]

ZNA - هەولێر


جیرارد پیکێ، بەرگریکاری یانەی بارسێلۆنای ئیسپانی لە گەندەڵییەکی گەورە تێوەگلاوە و سەرۆکی فیدراسیۆنی تۆپی پێی ئیسپانیاش، داوا لە سعودیە دەکات 24 ملیۆن یۆرۆ بداتە ئەو یاریزانە.

 

رۆژنامەی ئێل کۆنفیدێنسیالی ئیسپانی لە راپۆرتێکی رۆژنامەڤانیدا ئاشکرایکرد، جیرارد پیکێ لە کەیسێکی گەندەڵیدا تێوەگلاوە و لویس روبیالێسی سەرۆکی فیدراسیۆنی تۆپی پێی ئیسپانیاش داوای 24 ملیۆن یۆرۆ لە سعودیە دەکات بۆ ئەو یاریزانە، کە لە رێککەوتنی ئەنجامدانی یارییەکانی جامی سوپەری ئیسپانیا لە سعودیە بەشدار بووە.

 

بەپێی راپۆرتەکە، روبیالێس لەگەڵ پیکێ رێککەوتووە کە لە رێگەی ئەنجامدانی یارییەکانی جامەکە لە سعودیە، ئەو یاریزانە بکاتە ملیۆنێر، بەوەش پیکێ رازیبووە بەشداری لە رێککەوتنە شاراوەکەی نێوان فیدراسیۆنی تۆپی پێی ئیسپانیا و سعودیە بکات، ئەوەی لەنێوان ئەو سێ لایەنەش روویداوە لە رێگەی چەند پەیوەندییەکی تەلەفۆنییەوە ئاشکرا بوون.

 

رۆژنامەکە دەڵێت " روبیالێس لە 15-9-2019  بە پیکێی راگەیاندووە کە ئەو بەشێکە لە رێککەوتنی بەڕێوەبردنی یارییەکانی جامی سوپەری ئیسپانیا لە سعودیە، بۆ ئەوەش کارەکانیان بەنهێنی کردووە و رێگەیان بە بڵاوکردنەوەیان نەداوە، بەتایبەت پیکێ رۆڵی گەورەی بینیوە لە رێککەوتنی نێوان ئیسپانیا و سعودیە بۆ بەڕێوەچوونی یارییەکان لە سعودیە، ئەمەش بەهۆی ئەوەی کە روبیالێس ئەو کەسایەتییە بەهێزەی نییە و پیکێش ئەستێرەیەکی بەنێوبانگ و دیار بووە."

 

گوتەبێژێک بەناوی جیرارد پیکێ، ئەم زانیاریانە رەتدەکاتەوە و فیدراسیۆنی تۆپی پێی ئیسپانیاش ئامادەنییە هیچ قسەیەک لەبارەی ئەو پرسەوە بکات.

 

ماوەی چەند ساڵێکە یارییەکانی جامی سوپەری ئیسپانیا لە سعودیە بەڕێوەدەچێت، ئامانج لە رێککەوتنی نێوان هەردوو وڵات بۆ زیاترکردنی مافی پەخشی تەلەڤزیۆنی یارییەکان و برەودانە بە تۆپی پێی ئیسپانیا لە سعودیە و لەسەر ئاستی عەرەبی و ئاسیا، بەتایبەتیش لە رووی هاندەرانەوە.

 

رووداو 





ئەم هەواڵە 1141جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad