English | عربی | Kurdî دواهەواڵ
ڕاستەوخۆ  
 
خەریکە كۆرۆنا جارێکی دیکە دەبێتەوە هەڕەشە بۆ سەر ولاتی چین
2022-04-23 [08:30 AM]

ZNA - ھەولێر


ژمارەی تووشبووانی کۆرۆنا و گیانلەدەستدان بەهۆی پەتاکەوە لە چین رۆژ دوای رۆژ لە بەرزبوونەوەدایە و خەریکە پەتاکە جارێکی دیکە دەبێتەوە هەڕەشە بۆ سەر ئەو وڵاتە.
 
رۆژی هەینی 22ـی نیسانی 22 لە شانگهای 12 تووشبووی کۆرۆنا گیانیان لەدەستدا، ئەوە لە کاتێکدایە کە رۆژی پێشتر 11 کەس بەهۆیەوە گیانیان لەدەستدابوو. 
 
شاری شانگهای رووبەڕووی گەورەترین شەپۆلی نوێی پەتاکە بووەتەوە لە سەرتاسەری چین، بە جۆرێک تەنیا لە رۆژی هەینیدا، بەگوێرەی ئامارە فەرمییەکان، 20 هەزار و 634 تووشبوون تۆمارکران. ئەوەش بە بەراورد بە رۆژی پێش خۆی، 4 هەزار و 936 تووشبوون زیادیکردووە.
 
هاوکات، بەرپرسانی شاری شانگهای دەڵێن، تێکڕای تەمەنی ئەوانەی گیانیان لەدەستداوە 88 ساڵ بووە و زۆربەیان ئەو کەسانە بوون کە ڤاکسینیان وەرنەگرتووە. 
 
بەهۆی دەستپێکردنی شەپۆلێکی نوێی کۆرۆنا لەو شارەدا، لە سەرەتای مانگی نیسان قەدەخەی هاتووچۆ لە سەرتاسەری شارەکە راگەیێندرا. دواتریش بەرپرسانی شارەکە، ستراتیژییەتی ڤاکسین وەرگرتنیان بۆ کەسانی بەتەمەن جێبەجێکرد.
  
ئەوە لەکاتێکدایە، لە سەرەتای بڵاوبوونەوەی کۆرۆناوە لە ساڵی 2019 لە چین، رێکاری خۆپارێزیی تووندی وەکو قەدەخەی هاتووچۆ و دواتریش وەرگرتنی ڤاکسین گیرایەبەر، بەجۆرێک تاوەکو ئێستا 88.2٪ـی کۆی دانیشتووانەکەی لانیکەم دوو قورچکە ڤاکسینیان وەرگرتووە. 
 
لەو وڵاتەدا تاوەکو ئێستا نزیکەی 727 هەزار کەس تووشی پەتاکەبوون و 4 هەزار و 663 کەسیش بەهۆیەوە گیانیان لەدەستداوە.





ئەم هەواڵە 1969جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad