 |
|
|||
ZNA-هەولێر گوتەبێژی فەرماندەیی ئۆپەراسیۆنە ھاوبەشەکانی عێراق رایگەیاند، لە قۆناغی دووەمی ئۆپەراسیۆنی ویستی پۆڵایین، چەندین میوانخانەی داعش تێکدراون و ژمارەیەک لە چەکدارانی ئەو رێکخراوە دەستگیرکراون. تەحسین خەفاجی، گوتەبێژی فەرماندەیی ئۆپەراسیۆنە ھاوبەشەکانی عێراق رایگەیاند: کە زۆرینەی پاشماوەکانی رێکخراوی داعش عێراقین و فەرمانی دەستگیرکردنیان ھەیە و ھێزە ئەمنیەکان بەدوایانەوەن و تەنیا کەمێکیان ماون کە دەستگیرنەکراون. خەفاجی گوتیشی: کە لە قۆناغی دووەمی ئۆپەراسیۆنی ویستی پۆڵایین چەندین ئۆپەراسیۆنی دابەزاندنی ئاسمانییان ئەنجامداوە و بەھۆیەوە چەند میوانخانەیەکی داعش تێکدراون و ژمارەیەک چەکداری ئەو رێکخراوە دەستگیرکراون. زۆرینەی یەکە ئەمنی و سەربازییەکانی عێراق بەشدارن لەو ئۆپەراسیۆنانەدا لەوانە؛ سوپا و یەکەی بنەبڕکردنی تیرۆر و حەشدی شەعبی، یەکەی تایبەت، فیرقەی نۆی زرێپۆش، کاردانەوەی خێرا و لیوای ئەرکی تایبەت، پاسەوانی سنوور، حەشدی عەشایەری، فەرماندەیی ئۆپەراسیۆنەکانی بەغدا و بارەگای پێشکەوتووی کەرکووک. ماوەی دوو رۆژە ئۆپەراسیۆنی "ویستی پۆڵایین" لەلایەن ھێزە ئەمنییەکانی عێراقەوە لە سنووری ھەرسێ پارێزگای دیالە، سەلاحەددین، ئەنبار دەستیانپێکردووە لەدژی پاشماوەکانی رێکخراوی داعش. ئەم هەواڵە 496جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad