2022-04-25 [11:36 AM]

وەزیری دەرەوە عێراق  ڕایگەیاند، گفتوگۆکانی نێوان  سعودیە و ئێران کە لە شاری بەغدا بەڕێوەچوو  ئەرێنی بووە.
رۆژی یەک شەممە، فواد حوسێن وەزیری دەرەوە عێراق بەئاژانسی ھەواڵی عێراقی راگەیاند: "پێنجەمین خولی گفتوگۆکانی نێوان سعودیە و ئێران لە بەغدا لە کەشێکی ئەرێنی کۆتایی ھات".
پێشتر فواد حوسێن وەزیری دەرەوە گوتبووی حکومەتی عێراقی یەجدی کار دەکات بۆ باشکردنی پەیوەندیەکانی نیوان ئێران و سعودیە ھەروەھا ھەوڵ دەدات دەرفەتێکی گونجاو بۆ لێکتێگەیشتنی نێوان ئەو دوو وڵاتە دروست بکات.
دوای کۆتایی ھاتنی خولی پێنجەمی گفتوگۆی نێوان ڕیاز و تاران بەغدا میوانداری خولێکی نوێی گفتوگۆکان دەکات.