English | عربی | Kurdî دواهەواڵ
ڕاستەوخۆ  
 
چامپیۆنزلیگ.. ئەمشەو لە ئیتیحاد یاریە ئاگرینەکە بەڕێوەدەچێت
2022-04-26 [07:10 AM]

ZNA - هەولێر


 
ئەمشەو کاژێر 22:00 بە کاتی باشووری کوردستان، یانەی شاهانە لەسەر یاریگەی ئیتحاد لە لەندەن دەبێتە میوانی مانچێستەر سیتی وەک یەکەم هەنگاو بەرەو یاریی کۆتایی پاڵەوانێتییەکە.
 
ئەم یارییە لە نیوان دوو لە باشترین یانەکانی ئەم وەرزەی ئەوروپا دەبێت، کە هەردووکیان پێشەنگی خولی وڵاتەکانیانن، ریال مەدرید لووتکەی لالیگای گرتووە و مان سیتیش لە پرێمەرلیگدا یەکەمە.
 
رووبەڕووبوونەوەی ئەم دوو تیپە گەورەیە لە کاتێکدایە، کە هەردووکیان ورەبەرزن بە بەدەستهێاننی سەرکەوتن لە دوایین یارییاندا لە خولی وڵاتەکانیان، مان سیتی 5-1 لە واتفۆردی بردەوە و ریال مەدریدیش بە سێ گۆڵی بێبەرامبەر لە ئۆساسۆنای بردەوە و لە 5 یاریی داهاتوویدا پێویستی بە تەنیا خاڵێکە بۆ یەکلاییکردنەوەی نازناوی لالیگا.
 
کوڕانی ئەنچیلۆتی هەوڵدەدەن بە ئەنجامێکی باش لە لەندەن بگەڕێنەوە، بۆ ئەوەی لە یاریی گەڕانەوەدا لە بێرنابیۆ بتوانن بلیتی یاریی کۆتایی لە بەرژەوەندی خۆیاندا یەکلایی بەنەوە و دەتوانن سوود لەو دۆخە خراپەی مان سیتی لە رووی پێکهاتەوە وەربگرن، کە لە هێڵی بەرگریدا باشترین یاریزانەکانی ناتوانن یاری بکەن، بەڵام کوڕانی پێپ گواردیۆلاش پشت ئەستوورن بە یاریگە و هاندەرانی خۆیان، ئەوانیش دەیانەوێت لەم یارییەدا گورزی خۆیان بوەشێنن بۆ ئەوەی لە بێرنابیۆدا ئەرکیان مەحاڵ نەبێت. 
 
ئەگەر بگەڕێینەوە مێژوو دەبینین یانەی شاهانە بەسەر یانە ئینگلیزییەکەدا باڵادەستە، کە پێشتر 6 جار رووبەڕووی یەکدی بوونەتەوە و تیایاندا 3 جار سەرکەوتن بۆ ریال مەدرید بووە، دووجار یەکسان بوونە و جارێکیش مانچێستەر سیتی لە ریال مەدریدی بردووەتەوە.


رووداو 





ئەم هەواڵە 3313جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad