|
 |
|
|||
ZNA- هەولێر سەرۆکی هاوپەیمانی دەوڵەتی یاسا لە هەوڵەکانی گەڕاندنەوەی تارق هاشمی، جێگری پێشووتری سەرۆککۆماری عێراق نیگەرانە.رەعد دەهلەکی، پەرلەمانتاری هاوپەیمانی سیادە دەڵێت هەوڵێک بۆ ئازاد کردنی ئەحمەد عەلوانی، پەرلەمانتاری پێشووتر و رێگەدان بە گەڕانەوەی تارق هاشمی، جێگری پێشووتری سەرۆککۆماری عێراق هەیە. لەبەرانبەریشدا نووری مالیکی، سەرۆکی هاوپەیمانیی دەوڵەتی یاسا لە توویتێکدا نووسیویەتی، خانەوادەی قوربانیان و ئەو کەسانەی بەهۆی تیرۆرەوە زەرەرمەندبوونە مافی ئەوەیان هەیە داوای مافەکانیان لە تاوانباران بکەن. نووری مالیکی نووسیویەتی، قسەکردن لەبارەی ئەو کەسانەی گەڕاونەتەوە و خۆیان بەدەستەوە داوە کێشەیەکی دادوەرییە و بەرگەی مشتوومڕ و دروستکردنی قەیران ناگرێت. مالیکی هەروەها دەڵێت، ئەوان متمانەیان بە دادگاکان هەیە و لە دووبارە دادگاییکردنەوەی ئەو کەسانەی گەڕاونەتەوە بەرپرسیارن. ئەم هەواڵە 970جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad