2022-04-27 [05:18 AM]

گۆرانیبێژی لوبنانی راغب عەلامە بەنیازی سازکردنی ئاهەنگێکە لە بەغدا بەبۆنەی جەژنی رەمەزانەوە.

ئاهەنگەکە لە 5 ئایاری داهاتوو لە یانەی یەرموک سازدەکرێت و هۆگرانی دەتوانن لەرێگەی کڕینی بلیت ئامادەی ئاهەنگەکە بن.

لەلایەکی دیکەوە ئەو هونەرمەندە لە 3 هەمان مانگ، ئاهەنگێکی دیکە لە دبەی بۆ هۆگرانی سازدەکات و گوڵبژێرێک لە گۆرانییەکانی پیشکێش دەکات.

دوایین ئاهەنگی عەلامە لە کوەیت بوو کە بەبۆنەی یادە نیشتمانییەکانی ئەو وڵاتە سازکردبوو.