English | عربی | Kurdî دواهەواڵ
ڕاستەوخۆ  
 
پێوەندی تەندروستی چاو بە خەڵەفانەوە چییە؟
2022-05-04 [10:13 AM]

ZNA: هەولێر


چاو یەكێكە لە گرنگترین ئەندامەكانی لەشی مرۆڤ، چونكە هەر كێشەیەك لە چاوەكان و هەستی بینین، مرۆڤ لە بینینی دنیای دەوروبەری بێبەش دەكات و ناتوانێ وەك پێویست تێكەڵی خۆشی و ناخۆشییەكانی ژیان بێت، خەڵەفانیش حاڵەتێكی پێوەستە بە تەمەن یان بەركەوتنی زەبر یان رووداو و نەخۆشی، بەڵام پێوەندی نێوانیان چییە؟ زانایانی ئەمەریكا دووپاتی دەكەنەوە كە پاراستنی تەندروستی چاو و باشكردنی هەستی بینین، دەكرێ رێگر بێت لە تووشبوون بە خەڵەفان، وەك توێژینەوەیەك ئەنجامەكەی لە گۆڤاری پزیشكی " JAMA Neurology "، بڵاو كرایەوە. وەك ماڵپەڕی رۆژنامەی "دەیلی ئێكسپرێس"ی بەریتانی باسی كردووە، لاوازیی بینین و چاوەكان هۆكارێكی مەترسیدارە بۆ تووشبوون بە خەڵەفان، لەو كاتەی دەتوانرێت بەشێكی زۆری جۆرەكانی لاوازیی بینین چارەسەر بكرێت، ئەنجامی توێژینەوەكە دەری خست كە باشیی تەندروستی چاو رێگری لە 2%ی حاڵەتەكانی خەڵەفان لە ئەمەریكا لە 2018 كردووە كە 100 هەزار حاڵەت بووە. توێژەران بۆیان دەركەوت كە سەیرە بابەتی لاوازیی بینین وەك هۆكارێكی سەرەكیی مەترسیی تووشبوون بە خەڵەفان فەرامۆش بكرێت، گوتیان، یەكێك لە ئامانجەكانی توێژینەوەكە روونكردنەوەی ئەوەیە كە لاوازیی بینین هەمان كاریگەری ژمارەیەك هۆكاری مەترسی تووشبوونی بە خەڵەفان هەیە، كە دەتوانرێت دەستكاری بكرێت، لەوانەیش ئەلزەهایمەر، كە لە هۆكارەكانی، پیری و جینەكان و شێوانی هۆشیاری و فێربوون و نەخۆشی و شێوازی ژیان. لەگەڵ ئەوەیش تەندروستی چاو تاكە هۆكاری خەڵەفان نییە، بەڵكو نوستنیش رۆڵی گرنگی هەیە، كاتێك زانایان گوتیان، نوستنی حەوت سەعات لە بری هەشت سەعات، باشترینە بۆ پاراستن لە خەڵەفان، واتە نوستنێكی باشی شەوانە بۆ تەواوی قۆناغەكانی ژیانی مرۆڤ گرنگە، بەتایبەتی بۆ قۆناغی چوونە ناو تەمەن.





ئەم هەواڵە 1681جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad