English | عربی | Kurdî دواهەواڵ
ڕاستەوخۆ  
 
راوێژكارێكی دارایی:داهاتی گشتی ئه‌مساڵی عێراق تا ئێستا 150 ملیار دۆلاری تێپه‌ڕاندووه‌
2022-05-06 [07:26 AM]

ZNA:هەولێر


راوێژكارێكی دارایی سه‌رۆك وه‌زیرانی عێراق ئاشكرای ده‌كات، داهاتی گشتی ئه‌مساڵی عێراق تا ئێستا 150 ملیار دۆلاری تێپه‌ڕاندووه‌، چاوڕێش ده‌كرێت  رێژه‌كه‌ زیاتر بێت.

مه‌زهه‌ر محه‌مه‌د ساڵح، راوێژكاری دارایی مسته‌فا كازمی، سه‌رۆك وه‌زیرانی عێراق رایگه‌یاند، داهاتی گشتی ئه‌مساڵی عێراق تا ئێستا گه‌یشتووه‌ته‌ 150 ملیار دۆلاری ئه‌مه‌ریكی.

مه‌زهه‌ر راشیگه‌یاند، به‌ گوێره‌ی بۆچوونه‌كانی سندووقی نه‌ختینه‌ی نێوده‌وڵه‌تی، چاوه‌ڕێ ده‌كرێت له‌ ماوه‌ی داهاتوودا رێژه‌ی داهاتی گشتی نه‌وتی و نانه‌وتییه‌كان‌ له‌ عێراق زیاتر ببێت.

هه‌روه‌ها مه‌زهه‌ر روونیكرده‌وه‌، سندووقی نه‌خته‌ینه‌ی نێوده‌وڵه‌تی داهاتی نه‌وتی خامی عێراقی به‌ 3.4 ملیۆن به‌رمیل نه‌وتی بۆ یه‌ك رۆژ خه‌مڵاندووه‌، كه‌ هه‌ر به‌رمیلێك به‌ نرخی 104 دۆلار فرۆشراوه‌.

ئه‌و راوێژكاره‌ی مسته‌فا كازمی روونیكرده‌وه‌، ئه‌گه‌ر داهاتی فرۆشی نه‌وتی هه‌رێمی كوردستان بخرێته‌ سه‌ر داهاتی گشتی عێراق، له‌ داهاتوودا ئه‌و رێژه‌ زیاتر به‌رز ده‌بێته‌وه‌.

پێشتر سندووقی نه‌ختینه‌ی نێوده‌وڵه‌تی پێشبینی ئه‌وه‌ی كردبوو داهاتی گشتی عێراق بۆ ساڵی 2022 له‌گه‌ڵ به‌رزبوونه‌وه‌ی نرخی نه‌وت ده‌گاته‌ 149 ملیار دۆلار، كه‌ به‌ رێژه‌ی %73 به‌ به‌راورد له‌گه‌ڵ ساڵی 2021 زیادیكردووه‌.





ئەم هەواڵە 826جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad