English | عربی | Kurdî دواهەواڵ
ڕاستەوخۆ  
 
بەهۆی دروست بونی كێشه‌یه‌ك ئەمریکا بەکارهێنانی جوره‌ ڤاکسینێك سنووردار دەکەن
2022-05-07 [09:26 AM]

ZNA : هەولێر


بەرپرسانی ئەمریکا بەکارهێنانی ڤاکسینی کۆرۆنای جۆنسن جۆنسن سنووردار دەکەن، ئەوەش لەبەر ئەوەی کە وەکو خۆیان دەڵێن مەترسییەکی کەم، بەڵام رژدی مەینی خوێنی لێ بەدیدەکرێت.
 
رۆژی پێنجشەممە، 5ـی ئایاری 2022 دەزگای خۆراک و دەرمانی ئەمریکا رایگەیاند کە ڤاکسینی جۆنسن ئەند جۆنسن تەنیا دەبێت بەو کەسە پێگەیشتووانە بدرێت کە ناتوانن جۆرێکی دیکەی ڤاکسین وەربگرن یان خۆیان بە دیاریکراوی داوای ئەو جۆرە ڤاکسینە دەکەن.
 
بەرپرسانی ئەمریکا بۆ ماوەی چەندین مانگە پێشنیازی بەکارهێنانی ڤاکسینی فایزەر و مۆدێرنا لە جیاتی جۆنسن ئەند جۆنسن بۆ ئەمریکییەکان دەکەن.
 
دکتۆر پیتەر مارکز، بەڕێوبەری بەشی ڤاکسین لە دەزگای خۆراک و دەرمانی ئەمریکا دەڵێت، دوای ئەوەی چاویان بە چەند داتایەکدا خشاندووە لەبارەی مەترسیی مەینی خوێن، بۆیان دەرکەوتووە کە پەیوەندیی بە ڤاکسینی جۆنسن ئەند جۆنسنەوە هەیە. 
 
پیتەر مارکز دەشڵێت، ئەگەر  جێگرەوەیەک هەبێت بۆ ئەوەی ئەو ڤاکسینە بەکارنەهێنن، پێشنیازی ئەوە بۆ خەڵکی دەکەن جێگرەوەکە بەکاربهێنن.

ئاماژە بەوەش دەکات کە ئەو کێشەیە لەدوای دوو هەفتە لە وەرگرتنی ڤاکسینەکە دەردەکەوێت، بۆیە ئەوانە دڵنیا دەکاتەوە کە ئەگەر پێش چەند مانگێک ڤاکسینەکەیان وەرگرتبێت، ئێستا ڤاکسینەکە کێشەیان بۆ دروست ناکات.
 
لە سەرەتای دەرکەوتنی ڤاکسینی جۆنسن ئەند جۆنسن، تاوەکو نیوەی مانگی ئادار، پسپۆرانی فیدڕاڵیی ئەمریکا 60 کەیسیان پەیوەندیدار بە لایەنی خراپی ڤاکسینەکەی بەدیکردووە کە ئەنجامی 9 لەوانە گیانلەدەستدان بووە. هاوکات، لە هەر یەک ملیۆن قورچکی ڤاکسینی جۆنسن ئەند جۆنسن، 3.23 کەیسی مەینی خوێن بەدیکراون. کێشەکە، بەگوێرەی مارکز، زیاتر بۆ ژنانی خوار تەمەن 50 ساڵ دێتەپێش کە رێژەی مردن بۆ هەر یەک ملیۆن قورچک یەک کەس بووە. 





ئەم هەواڵە 388جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad