English | عربی | Kurdî دواهەواڵ
ڕاستەوخۆ  
 
شەپۆلێکی دیکەی خۆڵبارین عێراقی گرتەوە و له‌ كوردستان كه‌شوهه‌وا ئاساییه‌
2022-05-14 [11:38 AM]

ZNA - هه‌ولێر


 

شەپۆلێکی دیکەی خۆڵبارین عێراقی گرتووەتەوە و دەستەی کەشناسی و بوومەلەرزەزانی عێراقیش دەڵێت، هەرێمی کوردستان ناگرێتەوە و کەشوهەوا ئاساییە، بەڵام پلەکانی گەرما دابەزیوە.

ئەمڕۆ شەممە، عامر جابری، گوتەبێژی دەستەی کەشناسی و بوومەلەرزەزانی عێراق رایگەیاند، "دوێنی هەینی عێراق کەوتە ژێر کاریگەری بەرزە پاڵەپەستۆی دەریای نێوەڕاست کە سەرچاوەکەی لە هیندستانەوە بوو، لەگەڵ خۆیدا شەپۆلێکی هەوایی هەڵگرتبووو کە بای باکووری رۆژئاوا بوو لەگەڵ دابەزینی پلەکانی گەرما، بۆیە لە دوای نیوەڕۆی دوێنێ هەینییەوە خێرایی با 30 بۆ 40 کیلۆمەتر لە کاژێرێکدا بوو، ئەمەش لە ژمارەیەک لە پارێزگاکانی عێراق خۆڵبارینی دروستکرد".

لەبارەی کەشوهەوای هەرێمی کوردستانیش گوتی،، "کەشوهەوا لە پارێزگاکانی هەرێمی کوردستان ئاساییە، بەڵام پلەکانی گەرما دابەزیوە" .

گوتەبێژی دەستەی کەشناسی و بوومەلەرزەزانی عێراق گوتیشی، "خۆڵبارینەکە شارەکانی باشووری عێراقی گرتووەتەوە، بەهۆی بای باکووری رۆژئاوای مام ناوەند، کە خێراییەکەی لە 20 بۆ 30 کیلۆمەتر دەبێت لە کاژێرێكدا، هەندێک کاتیش دەگاتە 40 کیلۆمەتر لە کاژێرێکدا، ئەمەش خۆڵبارینی لە هەندێک ناوچە دروستکردووە، بەڵام کاریگەرییەکەی زۆر نییە بەراورد بە خۆڵبارینەکانی رابردوو".

لەبارەی هەرێمی کوردستانەوە، گوتەبێژی دەستەی کەشناسی و بوومەلەرزەزانی عێراق گوتی، "ئەمڕۆ پلەی گەرما لە ناوچەکانی هەرێمی کوردستان کەمێک بەرزدەبێتەوە، هیچ ئاماژەیەکیش نییە خۆڵبارین لە ناوچەکانی هەرێمی کوردستان رووبدات".

لەبارەی پلەی گەرما، عامر جابری، گوتەبێژی دەستەی کەشناسی و بوومەلەرزەزانی عێراق روونیکردەوە، "ئەمڕۆ پلەی گەرما لە بەغدا 36، دهۆک 30، هەولێر 31، سلێمانی 29 پلە، ناوچەکانی دیکە فوراتی نێوەڕاست لەنێوان 35 بۆ 37 پلە دەبێت، ناوچەکانی باشوور لە 36 بۆ 38 پلە دەبێت. کەشوهەوای سبەی بەگشتی ئاسایی دەبێت، لەگەڵ بوونی خۆڵبارینێکی سووک، بەتایبەتی لە ناوچەکانی باشوور".

هەر لەوبارەوە سادق عەتییە، پێشبینیکاری کەشوهەوای عێراق لە پەیجی خۆیدا رایگەیاند، شەپۆلی خۆڵبارین پارێزگاکانی سەلاحەددین و زۆربەی ناوچەکانی دیکە و بەغدا و رۆژهەڵاتی بەغدای گرتەوە، بەرەو شارەکانی فوراتی نێوەڕاست چووە و لە شەوی رابردوو و بەرەبەیانی ئەمڕۆ گەیشتووەتە شارەکانی باشووری عێراق





ئەم هەواڵە 403جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad