2022-05-21 [08:29 AM]

هەناردەکردنی نەوتی عێراق بۆ وڵاتی چین کەمیکردووە، لەگەڵ ئەوەشدا عێراق لە مانگی نیسانی رابردوودا، سێیەم وڵاتە لە هەناردەکردنی نەوتی خاو بۆ ئەو وڵاتە. 
 
داتاکانی ئیدارەی گومرگی گشتی دەریدەخەن، عێراق لە مانگی نیسانی ئەمساڵدا 4.09 ملیۆن تۆن نەوت ( 29.039 ملیۆن بەرمیل)ـی هەناردەی وڵاتی چین کردووە، کە رۆژانە دەکاتە 967 هەزار بەرمیل.
 
قەبارەی هەناردەکردنەکە بەراورد بە مانگی نیسانی ساڵی رابردوو بە رێژەی 8.1٪ دابەزیووە. هاوکات بەراورد بە مانگی ئاداری رابردووش بەرێژەی 13.71٪ دابەزیووە، کە 4.74 ملیۆن تۆن بووە، دەکاتە 33.654 ملیۆن بەرمیل.