English | عربی | Kurdî دواهەواڵ
ڕاستەوخۆ  
 
تێكساس... كەسێكی ئەمەریكی 21 قوتابی و مامۆستای كوشت
شوێنی ڕووداوەكە
2022-05-25 [08:37 AM]

ZNA- هەولێر


رۆژی سێشەممە، لەویلایەتی تێکساس ئەمەریكا  کەسێکی 18 ساڵان تەقەی لە قوتابخانەیەکی بنەڕەتی کرد و بەهۆیەوە 19 منداڵ و دوو کەسی پێگەیشتوو گیانیان لەدەستدا.

قوتابخانەکە ناوی رۆبە و لە شاری یوڤالدێیە، ئەو کەسەی تەقەی هەڕەمەکی بەنێو قوتابخانەکەدا کرد تەمەنی 18 ساڵانە و لەکاتی تەقەکردنەکەدا، هێزە ئەمنییەکان رووبەڕووی بوونەوە و کوشتیان. 

بەپێی لێکۆڵینەوەکان، ئەو کەسە بە چەکی نیمچە ئۆتۆماتیکیی جۆری  AR-15 تەقەی کردووە و ژمارەیەکی زۆر مەخزەنی فیشەکی پێبووە. 

گرێگ ئەبۆت، حاکمی تێکساس ناوی تەقەكەرەكەی ئاشكرا كرد بەناوی (سەلڤادۆر رامۆس)، گوتی پێش ئەوەی بچێتە نێو قوتابخانەکە، ئۆتۆمبێلەکەی لە دەرەوە جێهێشتووە، هاوکات گومانی ئەوەیشی لێدەکرێت کە پێش تەقەکردنەکەی، ئەو گەنجە داپیرەی خۆی کوشتبێت. 

یەکێک لە کوژراوەکان مامۆستایە و بەناوی (ئێڤا میرێلێس) ، بەپێی پرۆفایلی مامۆستاکە کە لە وێبسایتی قوتابخانەکە بڵاوکراوەتەوە دایکی منداڵێکە. 

لە قوتابخانەکە وانە بە قوتابییانی پۆلەکانی دوو، سێ و چواری بنەڕەتی دەگوترێتەوە کە تەمەنیان لەنێوان حەوت بۆ 10 ساڵانە. 

 

 





ئەم هەواڵە 337جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad