English | عربی | Kurdî دواهەواڵ
ڕاستەوخۆ  
 
ئەو هۆكارانا چین کە ئارەزووی خواردن لای منداڵان نامێنێت
2022-05-26 [07:08 AM]

ZNA:هەولێر


د.گەوهەر سەمەد پسپۆری نەخۆشیەكانی منداڵان  دەڵێت" ڕۆژانە چی لە ڕاوێژكاری نەخۆشخانە یاخود لە كلینیك ئەو منداڵانە دەبینین كە دایكیان دەڵێت (منداڵەكەم هیچ ناخوات) ".

د.گەوهەر سەمەد هۆكارەكانی كەم خواردن یاخود نەمانی ئارەزووی خواردن لە چەند خاڵێك دەخاتە روو: 
1. نەخۆشی یان پەتای وەرزی: وەكو كۆكەو تاو سكچوون، لەم كاتانە نابێ زۆر لەمنداڵ بكەین كەنان بخۆن، چونكە بارێكی ئاساییەو كە نەخۆشیەكەی چاكبوو ئارەزووی خواردنی دەگەڕێتەوە.
2. كەمخوێنی و كەمی مادەی ئاسن: بۆیە پێویستە ساڵانە پشكنینی ڕێژەی خوێن و ئاسن بۆ منداڵەكەت بكەیت.
3. قەبزی: كە دەبێتە هۆی ئازاری سك و كەمخواردن.
4. كرمی ڕیخۆڵەو هەوكردنی گەدەو ڕیخۆڵەكان، زۆرجار لە پشكنینی پیسایی دەتوانین نەخۆشیەكە دەست نیشان بكەین.
5. هۆكاری دەروونی: وەكو لەدایكبوونی منداڵی تازە، بوونی كێشە لە قوتابخانە یاخود لەگەڵ منداڵێكی تری هاوڕێی، پێویستە زۆر ئاگاداری لایەنی دەروونی منداڵەكەت بیت و بەردەوام بەشێوەیەكی جوان لێی بپرسی ئەگەر كێشەیەكی هەبوو بۆتی باس بكات.
6. خواردنی ناتەندروست: وەكو چپس و نەستەلەو شەربەت و شرینی، هیچ چارەسەرێكیش سودی نابێ ئەگەر منداڵ لەسەر كڕینی ئەو خواردنانە بەردەوام بێ.
7. كەمی جوڵەی منداڵ: كە بە دادەنیشێ بەچەند كاتژمێرێك بەتەماشاكردنی ئایپادو مۆبایل، بێگومان ئەو منداڵە خواردنی ناوێ، چونكە هیچ وزەیەكی سەرف نەكردووە، دڵنیام ئەم هۆكارە لە زۆربەی منداڵەكان هەیە، تا دەتوانی مەهێڵە منداڵەكەت بەبێ جوڵە بمێنێتەوەو بەردەوام بیكەوە بیری كە هەستێ یاری بكات و بگەڕێ و وەرزش بكات.

 د. گەوهەرسەمەد لەسەر چارەسەركردنی ئەم حاڵاتانەدا  دەڵێت" پێویستە بەدوای هۆكارەكە بگەڕێین و بەپێی ئەوە بڕیاردەدەین كە ئایا چی پشكنینێكی بۆ بكەین و چی چارەسەرێك وەربگرێت ".

لە كۆتاییدا د.گەوهەر دەڵێت "ئێستا تۆ لەلای خۆتەوە بزانە كام لەو خاڵانەی باسمان كرد لەمنداڵەكەتدا بوونی هەیەو بۆ ئەوەی لەلای خۆتەوە دەست بكەی بە چارەسەركردنی".





ئەم هەواڵە 547جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad