2022-05-28 [03:34 AM]

ئێڤاریا رۆژا ئەینی رێکەفتی ٢٧ی گۆلانا ٢٠٢٢ێ هەشتەمین کەرنەڤالا سالڤەگەرا ٥٣ سالیا پارێزگەهبوونا دهۆکێ ب چاڤدێریا بەرێز “د.عەلی تەتەر” پارێزگارێ دهۆکێ هاتەگێران.

لدەمژمێر پێنجی ئێڤاری کەرنەڤالی ماراسونێن جودا ب پشکداریا ٢٠٠٠ کەسان لسەر ئاستێ کوران و کچان و پایسکلان دەستپێکر و پاشان پێشانگەها ٣٠ رێڤەبەریێن جودا ب بەرهەمێن جودا ژلایێ پارێزگارێ دهۆکێ و مێهڤانێن کەرنەڤالی هاتەدیتن. دیڤدا برگێن فەرمیێ کەرنەڤالی دەستپێکرن پەیڤێن هەر ئێک ژ بەرێزان پارێزگارێ دهۆکێ و رێڤەبەرێ گشتی یێ رەوشەنبیری و هونەری هاتنە پێشکێشکرن، پاشان خەلاتێن پارێزگەها دهۆکێ بۆ حەفت کەسایەتیێن پارێزگەها  دهۆکێ دبیاڤێن جودا و بڤی رەنگێ خوارێ هاتنەدان:

د.عەبدولرەحمان مزوری/خەلاتێ ئەدەبی.
ئەحمەد مشەختی/ خەلاتێ هونەری.
کۆڤان حەسەن/ خەلاتێ وەرزشی.
ژیان قەدری/ خەلاتێ چاندنێ.
خەلیل حەجی نەزیر/ وەبەرهێنەر دکەرتێ گەشتوگوزارێ.
دلدار مراد عەبدولا/ خەلاتێ زانستی
و خەلاتەکێ تایبەت بۆ چیاڤانێ کوردێ جیهانی “رەنج عومەر” هاتەدان.

ژهەژی گوتنێە هەشتەمئن کەرنەڤالێ پارێزگەهبوونا دهۆکێ ژبەر رویدانا شەهیدبوونا دوو زارۆکێن گوندێ زێوەسەر بناڤێ “یوسف کۆڤان” و “رەڤەند هشیار” و بڕینداربوونا “سیپان فەرهاد” هژمارەکا برگێن کەرنەڤالی نەهاتنە پێشکێشکرن.