English | عربی | Kurdî دواهەواڵ
ڕاستەوخۆ  
 
حاکم زاملی: 11 ملیۆن كه‌س مووچه‌ له‌ حكومه‌تی عێراق وه‌رده‌گرن
2022-06-01 [01:59 AM]

ZNA:هەولێر


حاكم زاملی، جێگری سه‌رۆكی ئه‌نجومه‌نی نوێنه‌رانی عێراق رایگه‌یاند، 11 ملیۆن كه‌س مووچه‌ له‌ حكومه‌تی عێراق وه‌رده‌گرن، ساڵانه‌ش 300 هه‌زار ده‌رچوو له‌ زانكۆ حكومی و ئه‌هلییه‌كانه‌وه‌ هه‌یه‌.

ئاژانسی هه‌واڵی عێراق (واع) بڵاویكرده‌وه‌، زاملی له‌میانه‌ی كۆبوونه‌وه‌یه‌كی له‌گه‌ڵ وه‌زاره‌تی ته‌ندروستی ئاماژه‌ی به‌وه‌ كردووه‌، هاووڵاتیان داوا له‌ حكومه‌ت ده‌كه‌ن دابمه‌زرێن و به‌ شێوه‌یه‌كی گشتیش خزمه‌تگوزارییان ده‌وێت، به‌ڵام دوای خوێندنه‌وه‌ی دووه‌م بۆ یاسای ئاسایشی خۆراك، زۆربه‌ی چین و توێژه‌كان خۆپیشاندانیان كردووه‌.

ئاماژه‌ی به‌وه‌ش كرد، "11 ملیۆن كه‌س مووچه‌ له‌ حكومه‌ت وه‌رده‌گرن، كه‌ بریتین له‌ فه‌رمانبه‌ران، خانه‌نشینان و هی دیكه‌ش، به‌ڵام عێراق به‌هۆی بێكارییه‌وه‌ ده‌ناڵێنێت، كه‌ ساڵانه‌ 300 هه‌زار ده‌رچوو له‌ زانكۆ حكومی و ئه‌هلییه‌كانه‌وه‌ هه‌یه.

جێگری سه‌رۆكی ئه‌نجومه‌نی نوێنه‌رانی عێراق روونیكرده‌وه‌، حكومه‌تی عێراق پلانێكی ستراتیژی نییه‌، كێشه‌كه‌ ته‌نیا له‌ وه‌زاره‌تی ته‌ندروستی نییه‌، كێشه‌كه‌ گشتییه‌، بۆیه‌ له‌گه‌ڵ بریكاری وه‌زیری دارایی گفتوگۆمان كردووه‌ و داوای چاره‌سه‌رمان كردووه‌.





ئەم هەواڵە 397جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad