English | عربی | Kurdî دواهەواڵ
ڕاستەوخۆ  
 
ئەنجومەنی نوێنەرانی عێراق کۆدەبێتەوە
2022-06-07 [08:34 AM]

ZNA-هەولێر


سبەی ئەنجومەنی نوێنەرانی عێراق کۆدەبێتەوە و بڕیارە پڕۆژەیاسای پشتیوانی بەپەلەی ئاسایشی خۆراک بخاتە دەنگدان.

بەگوێرەی ئەو کارنامەیە فەرمانگەی راگەیاندنی ئەنجومەنی نوێنەرانی عێراق بڵاویکردووەتەوە، سبەی چوارشەممە 8/6/2022 کاتژمێر 11ی پێشنیوەڕۆ، کۆبوونەوەی ئەنجومەنی نوێنەران تایبەت دەبێت بە دەنگدان لە سەر پڕۆژەیاسای پشتیوانی بەپەلەی ئاسایشی خۆراک.

رێکخستنی کۆبوونەوەش، دوای کۆبوونەوەکەی دوێنێی لیژنەی دارایی ئەنجومەنی نوێنەران دێت، کە تیایدا بەکۆی دەنگ پێشنیازەکانی پەیوەست بە پڕۆژەکە پەسندکران و بۆ دەنگدان رەوانەی سەرۆکایەتی ئەنجومەن کرا.

هەرچەندە لە ناوەڕاستی مانگی ئایاری ئەمساڵ دادگای باڵای فیدراڵی پڕۆژەیاساکەی رەتکردەوە بە پاساوی ئەوەی حکومەتی ئێستا کاربەڕێکەرە و دەسەڵاتی رەوانە کردنی پڕۆژەی نییە بۆ پەرلەمان، بەڵام لە کۆتایی هەمان مانگ ئەنجومەنی نوێنەرانی عێراق بە ئامادەبوونی 250 پەرلەمانتار خوێندنەوەی دووەمی بۆ پڕۆژەیاساکە کرد.





ئەم هەواڵە 364جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad