 |
|
|||
ZNA - هه‌ولێر
شانەى راگەیاندنى ئەمنیى عێراق ئاشكرای كرد، شەش داواکراو لە پارێزگاى سلێمانى دەستگیرکراون، ئەندامى دوو باندى جیاواز بوون، سیانیان بەگوێرەى یاساى بنبڕکردنى تیرۆر داواکرابوون و سیانەکەى دیکەش بە دزیکردن تۆمەتبارن. رۆژی 7ى حوزەیرانى 2022 شانەى راگەیاندنى ئەمنیى عێراق لە راگەیێندراوێکدا دەستگیرکردنى باندێکى سێ کەسی لە پارێزگاى سلێمانی راگەیاند و ئاماژەى بەوەدا دەستگیرکردنیان بە هاوئاهەنگیى نێوان بەڕێوەبەرایەتى گشتیى هەواڵگریى عێراق و بەڕێوەبەرایەتیى ئاسایشى سلێمانى بووە. ئەو سێ کەسە بەگوێرەى بڕگەى یەکى مادەى چوارى یاسای بنبڕکردنى تیرۆر داواکراو بوون. بڕگەى یەکى مادەى چوارى یاسایى بنبڕکردنى تیرۆر، تایبەتە بە تاوانى تیرۆریستى یان هاوبەشیکردن و هاندانى ئەو جۆرە کردەوانە و سزاکەشى لەسێدارەدانە. لە راگەیێندراوێکى دیکەدا، کە هەر ئەمڕۆ بڵاویکردووەتەوە، شانەى راگەیاندنى ئەمنیى عێراق ئاشکرایکردووە بە هاوئاهەنگى نێوان بەڕێوەبەرایەتى گشتیی هەواڵگریى عێراق و ئاسایشى سلێمانى، باندێکى سێ کەسی لە شاری سلێمانی دەستگیرکراون، کە تۆمەتبارن بە ئەنجامدانى چەندین کارى دزیکردن لە هاووڵاتیان لە چەند ناوچەیەکى بەغدا. ئەم هەواڵە 241جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad