English | عربی | Kurdî دواهەواڵ
ڕاستەوخۆ  
 
ریال دوای گواستنەوەی چوامینی پلانی زیاتر هەیە
2022-06-11 [04:49 AM]

ZNA - هەولێر


 

دوای گواستنەوەی ئاوریلیێن چوامینی، یانەی ریال مەدرید کار بۆ ئەنجامدانی گرێبەستێکی دیکە دەکات و دەیەوێت هێڵی پێشەوەی یانەکەی بەهێزبکات.

 

دوای نیوەڕۆی ئەمڕۆ، ریال مەدرید بەفەرمی گرێبەستکردنی لەگەڵ چوامینی بۆ ماوەی 6 ساڵ راگەیاند و رۆژی سێشەممەی داهاتوو یاریزانەکە بە میدیاکان دەناسێندرێت.

 

بەپێی هەواڵی راپۆرتە رۆژنامەڤانییەکانی ئیسپانیا، ئامانجی داهاتووی ریال مەدرید بەهێزکردنی هێڵی پێشەوەیەتی، بۆ ئەوەش کاردەکات بۆ ئەوەی گرێبەستێکی درێژخایەن لەگەڵ هێرشبەرێکی لاو و بەتوانا بکات، بۆ ئەوەی هاوکاریی کەریم بنزیما بکات و لە داهاتووشدا شوێنی بگرێتەوە.

 

رۆژنامەی ئەی ئێسی ئیسپانی دەڵیت " چەند راوێژکارێکی یانەی شاهانە پێشنیازی گواستنەوەی کریستۆڤەر ئێنکونکو هێرشبەری لایپزیگیان بۆ فلۆرێنتینۆ پێرێز کردووە، کە تەمەنی یاریزانەکە 24 ساڵە، گۆڵکارێکی بەتوانایە، بەڵام گرێبەستەکەی لە 2024 کۆتاییدێت و ئێستای نرخی دەگاتە 80 ملیۆن یۆرۆ."

 

ریال مەدرید تاوەکو ئێستا بۆ وەرزی داهاتوو دوو گرێبەستی کردووە، ئەوانیش گواستنەوەی ئەنتۆنیۆ رۆدیگێر و ئاوریلیێن چوامینییە، کە ئەوەی یەکەمیان بێبەرامبەرە و ئەوەی دووەمیشیان بەرامبەر 80 ملیۆن یۆرۆیە و دوای هازارد، بەیڵ و رۆناڵدۆ دەبێتە چوارەم گرانترین یاریزانی یانەکە.

 

ئێنکونکو یاریزانێکی لاو و بەتوانایە، یانەکانی لیڤەرپوول، میلان و ریال مەدرید رکابەری لەسەر گواستتنەوەی دەکەن.

 

 

رووداو 





ئەم هەواڵە 856جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad