English | عربی | Kurdî دواهەواڵ
ڕاستەوخۆ  
 
وه‌زاره‌تی ته‌ندروستی: په‌تای كۆڕۆنا له‌ عێراق ڕوو له‌ زیادبوون و هه‌ڵكشان دایه‌
رێکلام
2022-06-17 [11:52 AM]

ZNA:هەولێر


به‌گوێره‌ی ئه‌و داتا و ئامارانه‌ی كه‌ ڕۆژانه‌ وه‌زاره‌تی ته‌ندروستی بڵاوی ده‌كاته‌وه‌، ده‌رده‌كه‌وێت كه‌ ڕۆژانه‌ تووشبووانی په‌تای كۆڕۆنا له‌ عێراق ڕوو له‌ زیادبوون و هه‌ڵكشان ده‌كاته‌وه‌.

وه‌زاره‌تی ته‌ندروستی عێراق ئه‌مڕۆ پێنجشه‌م ئاماره‌كانی 24 كاتژمێری ڕابردووی په‌تای كۆڕۆنای له ‌ته‌واوی پارێزگاكان بڵاو كرده‌وه‌ و تێیدا ده‌رده‌كه‌وێت‌ كه‌ ته‌نیا له‌ ماوه‌ی یه‌ك ڕۆژدا 413 تووشبووی نوێی كۆڕۆنا تۆمار كراوه‌.

تووشبووانی كۆڕۆنا ڕۆژ له‌ دوای ڕۆژ له‌ عێراق و هه‌موو جیهانیش ڕوو له‌ زیادبوون ده‌كه‌نه‌وه‌ و به‌رپرسانی ته‌ندروستی و وڵاتان به‌گشتی ترسیان لێ نیشتووه‌ته‌وه‌، ئه‌گه‌ر به‌ نموونه‌ وه‌ربگیرێ دوێنێ چوارشه‌م له‌ عێراق داتای تووشبووانی كۆڕۆنا 342 كه‌س بوو، به‌ڵام ئه‌مڕۆ بۆ 413 كه‌س به‌رز بۆته‌وه‌، ئه‌م داتایانه‌ ڕۆژانه‌ گۆڕانكاری به‌سه‌ردادێت و ڕوو له‌ زیادبوون ده‌كه‌ن.

ئه‌م ئاماره‌ ڕۆژانه‌ی وه‌زاره‌تی ته‌ندروستی عێراق ئه‌وه‌مان پێ ده‌ڵێت كه‌ تا ئێستا ڤایرۆسی كۆڕۆنا له‌ عێراق بوونی ماوه‌، ئه‌مه‌ سه‌ره‌ڕای ئه‌وه‌ی كه‌‌ هاووڵاتییان ماوه‌یه‌كه‌ ته‌واوی ڕێنماییه‌كانی خۆپارێزییان فه‌رامۆشكردووه‌.

وه‌زاره‌ته‌كه‌ ئاماژه‌ به‌وه‌ش ده‌كات كه‌ له‌ ماوه‌ی 24 كاتژمێری ڕأبردوودا 12 هه‌زار و 235 كه‌س ڤاكسینیان وه‌رگرتووه‌ و 126 كه‌سیش دوای تووشبوونیان به‌ كۆڕۆنا، ڤایرۆسه‌كه‌یان تێپه‌ڕاندووه‌ و چاكبوونه‌ته‌وه‌.

ئه‌وه‌ی جێی خۆشحاڵییه‌ ئه‌وه‌یه‌ كه‌ له‌ ماوه‌ی 24 كاتژمێری ڕابردوودا هیچ كه‌سێك به‌هۆی په‌تای كۆڕۆنا له‌ عێراق گیانی له‌ده‌ست نه‌داوه‌، ڕه‌نگه‌ ئه‌مه‌ش په‌یوه‌ندی به‌ ڤایرۆسی گۆڕاوی ئۆمیكڕۆنه‌وه‌ هه‌بێت كه‌ هه‌روه‌كو پێشتر بڵاو كرابووه‌وه‌‌ مه‌ترسیداری و بكوژییه‌كه‌ی له‌چاو گۆڕاوه‌كانی پێشووتری كه‌متر بێت، به‌ڵام توانای بڵاوبوونه‌وه‌ی خێراتره‌.





ئەم هەواڵە 772جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad