English | عربی | Kurdî دواهەواڵ
ڕاستەوخۆ  
 
کریستیانۆ رۆناڵدۆ هەڕەشە لە مانچستەر دەکات
2022-06-24 [03:13 AM]

ZNA - هەولێر


کریستیانۆ رۆناڵدۆ، ئەستێرەی یانەی مانچێستەر یونایتد، هۆشدارییەکی توندی بە ئیدارەی یانە ئینگلیزییەکە داوە و ئاگەداری کردوونەتەوە، بەم دۆخەی ئێستای یانەکە رازیی نابێت.

 

رۆژنامەیەکی پۆرتوگالی ئاشکرایکرد: "رۆناڵدۆ هۆشدارییەکی توندی بە ئیدارەی یانەکەی داوە، یان بەخێرایی لە بازاڕی گواستنەوە دەست بە جوڵە بکەن بۆ گواستنەوەی یاریزانان، یان لە یانەکە دەڕۆم".

 

رۆژنامەکە ئاماژەی بەوەش کردووە: "ئەستێرە پۆرتوگالییەکە، لە ئیدارەی یانەکە توڕەیە و لە جوڵە سستەکانی یانەکەی لە مێرکاتۆی هاوینە زۆر بێزارە، چونکە مانچێستەر هیچ گرێبەستێکی گرنگی لە بازاڕی گواستنەوە نەکردووە".

 

رۆژنامەکە دۆسییەی دارن نوونێزی وەکو یەکێک لە ئامانجەکانی مانچێستەر بە نموونە هێنانەوەتەوە کە بڕیاربوو نوونێز پەیوەندی بە مانچێستەرەوە بکات، بەڵام لە کۆتاییدا پەیوەندیکرد بە یانەی لیڤەرپووڵی ئینگلیزی.

 

لەلایەکی دیکەوە رۆژنامەکانی بەریتانیا باس لەوە دەکەن، یانەی بایرن میونشن لە ئەگەری رۆیشتنی رۆبەرت لێڤاندۆڤێسکی، ئامانجی یەکەمیان گواستنەوەی کریستیانۆ رۆناڵدۆیە بۆ یاریگەی ئالیانز ئارێنا. 

 

رۆناڵدۆ دوای تێپەڕبوونی 13 ساڵ بەسەر رۆیشتنی لە یانەی مانچێستەر یونایتد بۆ ریال مەدرید، لە تەمەنی 37 ساڵی لە هاوینی 2021 گەڕایەوە ئۆڵدترافۆرد.

 

وەرزی رابردوو کریستیانۆ لەگەڵ مان یونایتد بە ئەنجامدانی 38 یاری، توانی 24 گۆڵ تۆمار بکات، بەڵام یانەکەی هیچ نازناوێکی بەدەستنەهێنا.

 

رووداو 





ئەم هەواڵە 346جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad