English | عربی | Kurdî دواهەواڵ
ڕاستەوخۆ  
 
ئێران: لەچەند رۆژی داهاتوو دانوستانەكانی ئێران و ئەمەریكا دەستپێدەكاتەوە
2022-06-26 [09:06 AM]

ZNA – هەولێر


وەزیری دەرەوەی ئێران رایگەیاند، هیوایەک هەیە لە چەند رۆژی داهاتوودا دانوستانە ئەتۆمییەکانی نێوان ئێران و ئەمەریكا دەستپێبکاتەوە.

 

حسێن ئەمیر عەبدوڵڵاهیان وەزیری دەرەوەی ئێران لەگەڵ جۆزێف بۆرێل، بەرپرسی پەیوەندییەکانی دەرەوەی یەکێتی ئەوروپا كۆبوونەوە  و رایگەیاند، "هیوادارین ئەمجارە لایەنی ئەمریکا لە درێژەی دانوستانەکاندا رێوشوێنی بەرپرسیارانە بگرێتەبەر و بگاتە خاڵی کۆتایی رێککەوتنەکە."

عەبدوڵڵاهیان گوتیشی، ئێران  لەگەڵ یەکێتی ئەوروپا گفتوگۆی ورد و ئەرێنی لەبارەی دەستپێکردنەوەی گفتوگۆکان کردووە و پاراستن و فراوانکردنی پەیوەندییەکان لەگەڵ یەکێتی ئەوروپا لە کارە لە پێشینەکانی ئێرانە بۆ درێژەدان بە هاوکارییەکانی لەگەڵ ئەوروپا، لە نێویاندا هەموو وڵاتانی ئەندام و نائەندامی یەکێتییەکە.

وەزیری دەرەوەی ئێران روونیشی كردەوە، ئێران ئامادەیە لە چەند رۆژی داهاتوودا دانوستانەکان لەگەڵ ئەمریکا دەستپێبکاتەوە و حکومەتی ئەو وڵاتە بەرژەوەندی گەلەکەی لە پێشینەی سیاسەتەکانییەتی

هەروەها جۆزیف بۆریل بەرپرسی پەیوەندییەکانی دەرەوەی یەکێتی ئەوروپا ئەوەی خستەڕوو، لە چەند رۆژی داهاتوودا دانوستانەکانی نێوان ئێران و ئەمریکا دەستپێدەکاتەوە

ئەمەش لەکاتێکدایە،  دانوستانەکانی ڤییەنا لە بارەی بەرنامە ئەتۆمییەکەی ئێرانەوە بە بەشداری نوێنەرانی باڵای روسیا، چین، ئەڵمانیا، فەڕەنسا، بەریتانیا و ئێران گرژی تێکەوتووە.

 





ئەم هەواڵە 229جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad