English | عربی | Kurdî دواهەواڵ
ڕاستەوخۆ  
 
ئێران: کازمی لە سعوودیەوە چەند خاڵێکی گەیاندووەتە دەستمان
2022-06-27 [12:33 PM]

ZNA - هه‌ولێر


 

گوتەبێژی وەزارەتی دەرەوەی ئێران، سەعید خەتیبزادە رایگەیاند کە سەرۆکوەزیرانی عێراق، مستەفا کازمی لە سەردانەکەی دوێنێ بۆ تاران، چەند خاڵێکی لە سعوودیەوە لەبارەی گفتوگۆ دووقۆڵییەکانی نێوان تاران و ریاز گەیاندووەتە بەرپرسانی ئێران.

سەعید خەتیبزادە لە کۆنگرەیەکی رۆژنامەوانییدا ئاماژەی بەوەدا، ئامانج لەو سەردانەی کە دوێنێ یەکشەممە سەرۆکوەزیرانی عێراق، مستەفا کازمی بۆ تاران ئەنجامیدا، زیندووکردنەوەی گفتوگۆکانی نێوان سعوودیە و ئێرانە.

خەتیبزادە باسی لەوەش کرد کە لایەنی سعوودی، ئامادەیی خۆی بۆ بەردەوامیدان بە گفتوگۆکان لەسەر ئاستی دیپلۆماتی لە بەغدا نیشانداوە و گوتی: "مستەفا کازمی لە سەردانەکەی دوێنێ بۆ تاران، چەند خاڵێکی لە سعوودیەوە لەبارەی گفتوگۆ دووقۆڵییەکانی نێوان تاران و ریاز گەیاندووەتە بەرپرسانی ئێران".

رۆژی ٢٥ی حوزەیرانی ٢٠٢٢ سەرۆکوەزیرانی عێراق، مستەفا کازمی سەردانی سعوودیەی کرد و لە میانیدا لەگەڵ جێنشینی ئەو وڵاتە، محەمەد بن سەلمان کۆبوویەوە.

ھاوکات دوێنێ یەکشەممە ٢٦ی حوەزیرانی ٢٠٢٢، مستەفا کازمی لە سعوودیەوە گەیشتە تاران و لە میانیدا زنجیرەیەک دیدار و کۆبوونەوەی لەگەڵ ژمارەیەک لە بەرپرسانی باڵای ئەو وڵاتە ئەنجامدا.

 





ئەم هەواڵە 232جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad