English | عربی | Kurdî دواهەواڵ
ڕاستەوخۆ  
 
روسیا: بۆ دەست پێکردنەوەی گفتوگۆکان دەبێت ئۆكرانیا بەمەرجەكانمان ڕازی بێت
2022-07-04 [09:09 AM]

ZNA- هەولێر


گوتەبێژی کۆشکی کرملین رایگەیاند، پێویستە لەسەر ئۆکرانیا لە مەرجەکانی روسیا تێبگات بۆ دەست پێکردنەوەی گفتوگۆکان، دەشڵێت درەنگ یان زوو دەبێت بەڕێككەوتن كێشەكان چارەسەر بكەن.

 

ئەمڕۆ دووشەممە، دیمیتری بیسکۆڤ گوتەبێژی کۆشکی کرملین بە کەناڵی ١ی وڵاتەکەی راگەیاند، بەمەبەستی دەستپێکردنەوەی گفتوگۆکان، پێویستە ئۆکرانیا لە مەرجەکانی روسیا تێبگات.

بیسکۆڤ گوتیشی، هیچ گومانێکیان نییە درەنگ یان زوو ژیری دەگەڕێتەوە شوێنی خۆیی و کاری خۆیدەکات و دەبێت بەرێککەوتن کێشەکان چارەسەر بکەن.

گوتەبێژی کۆشکی کرملین روونیشی كردەوە، سەرکردەکانی خۆرئاوا وادەی دەستپێکردنەوەی گفتوگۆکان ئاشکرا دەکەن، بەڵام پێویستە لەسەر ئۆکرانیا لە مەرجەکانی روسیا تێبگات، ئۆکرانییەکان دەزانن مەرجەکانی روسیا چین و نەگۆڕاون.

لەماوەکانی رابردوودا، چەندین جار شاندی دانوستانکاری روسی و ئۆکرانی لە سەر سنوری نێوان ئۆکرانیا و بیلاروسیا کۆبوونەوە و هیچ دەرەنجامێکی نەبوو دواتر حکومەتی تورکیا نێوەندگیری روسیا و ئۆکرانیای کرد و چەند کۆبوونەوەیەکیان لە ئەنقەرەی پایتەختی ئەو وڵاتە سازکرد و دواجار تورکیا هەردوو وەزیری دەرەوەی روسیا و ئۆکرانیای پێکەوە کۆکردەوە.

 





ئەم هەواڵە 211جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad