English | عربی | Kurdî دواهەواڵ
ڕاستەوخۆ  
 
ئەردۆغان داوا لە پوتن دەکات دەروازەی ناردنی کۆمەک بۆ سوریا بە کراوەیی بهێڵێتەوە
2022-07-11 [04:49 AM]

ZNA - هه‌ولێر


 

ڕەجەب تەیب ئەردۆغان، سەرۆک کۆماری تورکیا، ڕۆژی دووشەممە داوای لە هاوتا ڕووسییەکەی ڤلادیمیر پوتن کرد مۆڵەتی ڕێگەدان بە ناردنی یارمەتی مرۆیی لە دەرەوەوە بۆ ناو سوریا درێژبکاتەوە.

داواکەی ئەردۆغان لە کاتێکدایە کە دیپلۆماتکارەکان لە هەوڵی دۆزینەوەی چارەسەرێکدان کە بتوانێت بەسەر ڤیتۆی ڕووسیادا لە ئەنجوومەنی ئاسایشی نەتەوە یەکگرتووەکان زاڵ بێت و بەردەوامی بدات بە میکانیزمێک کە لە ساڵی 2014 ەوە ڕێگەی بە ناردنی کۆمەک بۆ ئەو وڵاتەداوە کە شەڕ بەشێکی زۆری وێرانکردووە.

دوای گفتوگۆیەکی تەلەفۆنی لەگەڵ پوتن، نوسینگەی ئەردۆغان بەیاننامەیەکی بڵاوکردەوە کە دەڵێت، "ئەردۆغان جەختی لەوە کردووەتەوە کە بە گرنگییەوە لە درێژکردنەوەی میکانیزمی پەڕینەوە کۆمەك لە سنور لە سوریا دەڕوانێت".

سنوری تورکیا و سوریا لە دەروازەی باب ئەلحەوا تاکە ڕێگایە بۆ گەیاندنی هاوکارییەکانی نەتەوە یەکگرتووەکان بۆ خەڵکی مەدەنی بێ ئەوەی بەو ناوچانەدا بڕۆن کە لە ژێر کۆنترۆڵی هێزەکانی حکومەتی سوریادان.

ڕووسیا کە هاوپەیمانی ڕژێمی سوریایە، دەسەڵاتی ڤیتۆی خۆی لە ئەنجوومەنی ئاسایشی نەتەوە یەکگرتووەکان بەکارهێنا بۆ ڕەتکردنەوەی پێشنیازەکانی ڕۆژئاوا بۆ هێشتنەوەی دەروازەی سنوری بۆ ماوەی ساڵێکی دیکە بە کراوەیی.

ئەم بنبەستییە لە کاتێکدایە کە گرژییەکانی نێوان وڵاتانی ڕۆژئاوا و ڕووسیا بەهۆی شەڕی ئۆکرانیاوە گەشتۆتە بەرزترین ئاست لە سەردەمی شەڕی ساردەوە.

 

voa





ئەم هەواڵە 526جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad