English | عربی | Kurdî دواهەواڵ
ڕاستەوخۆ  
 
بەهۆی چاكردنەوەی بۆرییەكانی گازی رووسیا بۆ ئەڵمانیا ڕاگیرا
2022-07-12 [08:36 AM]

​ZNA – هەولێر


رووسیا لە ئەمڕۆوە بۆ ماوەی 10 رۆژ ناردنی گازی سرووشتی لە رێگەی بۆریی نۆرد ستریم 1 ەوە بۆ ئەڵمانیا وەستاند، ئەوەش بەهۆی کاری ساڵانەی چاککردنەوەی بۆرییەکەوە، ئەڵمانیاش ترسی ئەوەی هەیە مۆسکۆ بەیەکجاری گازەکەی بگرێتەوە.

رۆبەرت هابێک، وەزیری ئابووریی ئەڵمانیا هۆشداریی بە وڵاتانی یەکێتیی ئەوروپا دەدات خۆیان بۆ سیناریۆی بەردەوامنەبوونی هەناردەی گازەکە ئامادەبکەن، هەروەها کرملین گاز وەکو چەک دژی سزاکانی یەکێتیی ئەوروپا تۆمەتبار دەکات

وەزیرە ئەڵمانییەکە دانی بەوەدانا کە ئەڵمانیا بە رادەیەکی زۆر گەورە پشت بە گازی رووسیا دەبەستێت، دەشڵێت ئەوە "هەڵەیەکی سیاسیی گەورەیە وەکو ئەمڕۆ دەیبینین، کە هەوڵدەدەین بە زووترین کات چاکی بکەینەوە."

رۆبەرت هابێک ئاماژەی بەوەکرد کە لە کۆتایی ئەمساڵدا، دوو کەشتیی گواستنەوەی گازی سرووشتیی شلکراو ئامادەی کارکردن دەبن

پێشتریش ساڵانە كاری چاککردنەوەی بۆرییەکە دەكرا،  بەڵام ترسەکە ئەوەیە کە بەهۆی ئەوەی پەیوەندییەکانی رووسیا و رۆژئاوا لە دوای شەڕی ئۆکرایناوە بۆ نزمترین ئاست دابەزیون، رەنگە گازپڕۆم دەرفەتەکە بقۆزێتەوە و بە یەکجاری تۆڕبینەکانی بکوژێنێتەوە

 

 

 





ئەم هەواڵە 178جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad