English | عربی | Kurdî دواهەواڵ
ڕاستەوخۆ  
 
نەتەوەیەكگرتووەكان: ئیسرائیل بەرپرسیارە لەكوشتنی 78 منداڵی فەلەستینی كەم ئەندامكردنی سەدانی تر
2022-07-12 [08:57 AM]

​ZNA – هەولێر


نەتەوەیەکگرتووەکان لە راپۆرتێکدا ئەوەی ئاشکرا کردووە کە ئیسرائیل لە ساڵی ٢٠٢١دا بەرپرسیارێتی کوشتنی ٧٨ منداڵی فەڵەستینی و کەمئەندامکردنی ٩٨٢ منداڵی دیکە لە ناوچە داگیرکراوەکانی فەڵەستین لە ئەستۆدایە.

لە راپۆرتی ساڵانەی سکرتێری گشتی نەتەوەیەکگرتووەکان، ئەنتۆنیۆ گۆتێریس، ئەم زانییاریانە بلاوكراوەتەوە، سەبارەت بە "منداڵان و ململانێی چەکداریی بۆ ساڵی ٢٠٢١.

لە راپۆرتەكەدا ئەوە ئاشکرا کراوە کە لە ساڵی ٢٠٢١ دا نزیكەی ١٩ هەزار منداڵ بەهۆی "پێشێلكارییە سەختەكان" لە ٢١ وڵاتدا تووشی ئازار بوون کە لەنێویاندا چوار وڵاتی عەرەبی هەیە.

لە راپۆرتەکەدا ئەوە خراوەتەڕوو کە لانیکەم پێنج هەزار و ٢٤٢ کچ و ١٣ هەزار و ٦٦٣ کوڕ لە ٢١ وڵاتدا بوونەتە قوربانی پێشێلکارییە قورسەکان.

هەریەک لە سووریا، یەمەن، سۆماڵ و فەڵەستین، ئەو چوار وڵاتە عەرەبییەن کە لە راپۆرتەکەدا ناویان هاتووە.

لە راپۆرتەکەدا جەخت لەوە کراوەتەوە کە لە ساڵی رابردوودا هێزەکانی ئیسرائیل بەرپرسیار بوونە لە کوشتنی ٧٨ منداڵی فەڵەستینی و پەککەوتەکردنی ٩٨٢ منداڵی دیکە لە ناوچە داگیرکراوەکانی فەڵەستین.

هاوکات سکرتێری گشتی نەتەوەیەکگرتووەکان لە راپۆرتەکەدا هۆشداریی داوە لەوەی کە ئەگەر ئەم ژمارانە لە ساڵی ٢٠٢٢ بەردەوام بن، ئەوا ئیسرائیل دەخرێتە لیستی شەرمەزارییەکانی هاوپێچی راپۆرتی داهاتووی نەتەوەیەکگرتووەکانەوە.

لە ساڵی ٢٠٠٢دا نەتەوەیەكگرتووەكان لە رێگەی لیستێكەوە كە لە راپۆرتی ساڵانەی خۆیدا لەژێر ناوی "لیستی شەرمەزاری" كە بە "لیستی رەش" ناسراوە و ناوی ئەو رێكخراو و وڵاتانە لەخۆدەگرێت كە مافی منداڵان لە ناوچە جێناكۆكەكان لە جیهاندا پێشێل دەكەن، بڵاودەکاتەوە.


 





ئەم هەواڵە 184جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad