English | عربی | Kurdî دواهەواڵ
ڕاستەوخۆ  
 
وەزارەتی پلاندانانی عێراق: پێشبینی دەکات داهاتی تاك بەرزبێتەوە
2022-07-15 [01:52 AM]

ZNA:هەولێر


وەزارەتی پلاندانانی عێراقی پێشبینی دەکات، لە نیوەی یەکەمی ئەمساڵ پشکی داهاتی تاکی عێراقی لەگەڵ بەرزبوونەوەی نرخی نەوت بەرزبێتەوە.

عەبدولزەهرە هینداوی، گوتەبێژی وەزارەتی پلاندانانی عێراق رایگەیاند، داهاتی تاکی عێراقی بۆ کۆی بەرهەمی ناوخۆ لە ساڵی رابردوو 5 بۆ 6 ملیۆن دینار بووە، کە دەکاتە نزیکەی 4 هەزار دۆلاری ئەمه‌ریکی.

گوتەبێژی وەزارەتی پلاندانانی عێراق ئاماژەی بەوە كرد، بەرزبوونەوەی نرخی نەوت و زیادبوونی داهات، راستەوخۆ کاریگەری لەسەر نێوه‌ندی داهاتی تاک لەمساڵدا دەبێت.

ئەمە لە کاتێکدایە، پشکی تاک بۆ کۆی بەرهەمی ناوخۆ، پێنوێنێکی ئابوورییە کە پلەی گەشەی ئابووری وڵاتەکەی پێ دەپیورێت، ئەوەش لە رێگەی کۆی داهاتی وڵات دابەشی تاکەکانی ئەژمار دەکرێت.

عێراق یەکێکە لە وڵاتە عەرەبییانەی، کە بودجەکەی بەشێوەیەکی نیمچە تەواو پشت بە یەک سەرچاوەی داهات بەستووە، واتە زیاتر لە سەدا 90ـی داهاتەکەی پشتی بە فرۆشتنی نەوت بەستووە. ئەمەش وادەکات هەر گۆڕانکارییەک لە نرخی نەوت راستەوخۆ کاریگەری لەسەر ئابووری عێراق هەبێت.





ئەم هەواڵە 400جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad