English | عربی | Kurdî دواهەواڵ
ڕاستەوخۆ  
 
چێڵسی دووەم گرێبەستی خۆی ئەنجامدا
2022-07-16 [07:36 AM]

ZNA - هەولێر


یانەی چێڵسی ئینگلیزی بەشێوەیەکی فەرمی گواستنەوەی خالیدۆ کۆلیبالی، ئەستێرەی هێڵی بەرگری هەڵبژاردەی سەنیگال و یانەی ناپۆلیی ئیتاڵی بۆ ریزەکانی راگەیاند.
 
چێڵسی لە راگەیێنراوێکی فەرمیدا لەسەر ماڵپەری خۆی دەڵێت " خالیدۆ کۆلیبالی بووە دووەم یاریزان لە گواستنەوەی ئەم هاوینەدا پەیوەندی بە یانەکەوە بکات، گرێبەستەکەی بۆ چوار ساڵ دەبێت، بۆ یارییکردن لە ستامفۆرد بریچ."
 
دوای پەیوەندیکردنی بە یانە لەندەنییەکەوە کۆلیبالی گوتی " زۆر دڵخۆشم کە لێرەم لەگەڵ یانەی چێڵسی، ئەمە یانەیەکی گەورەی جیهانە، هەمیشە خەونی من بووە لە پرێمەرلیگدا یاری بکەم."
 
بەرگریکاری پێشووی ناپۆلی دەڵێت " ساڵی 2016 چێڵسی دەیەویست گرێبەستم لەگەڵدا بکات، بەڵام سەرکەوتوو نەبوو، ئێستا کە داوایانکردم قبوڵمکرد، چونکە ئەوان بەڕاستی دەیانویست بچمە پرێمەرلیگ، قسەکردن لەگەڵ ئیدوارد مێندی و جۆرجینیۆش ئاسانکاریی بۆ کردم بۆ ئەوەی ئەم یانەیە هەڵبژێرم."
 
گواستنەوەی خالیدۆ کۆلیبالی لەلایەن یانەی چێڵسییەوە لەکاتێکدایە، لە گواستنەوەی ئەم هاوینەدا هەریەکە لە ئەنتۆنیۆ رۆدیگێر و ئاندریاس کریستێنسن لە یانەکە رۆیشتوون.
 
بەپێی راپۆرتە رۆژنامەڤانییەکان، گرێبەستی یاریزانەکە بەرامبەر 40 ملیۆن یۆرۆیە و مووچەی یاریزانەکەش لەنێوان 8 بۆ 10 ملیۆن یۆرۆ دەبێت.
یانەی چێڵسی بۆ خۆ ئامادەکردن بۆ وەرزی نوێ چووەتە لاس ڤێگاسی ئەمریکا، یاریزانەکە ئێستا لەوێیە و راستەوخۆ پەیوەندی بە کەمپی مەشقەکانی یانە لەندەنییەکەوە دەکات.
 
ئەمە دووەم گرێبەستی پێکهاتەی تۆماس تۆخێلە، دوای ئەوەی رەحیم ستێرلینگی لە یانەی مانچێستەر سیتییەوە گواستەوە ریزەکانی.

رووداو





ئەم هەواڵە 508جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad