English | عربی | Kurdî دواهەواڵ
ڕاستەوخۆ  
 
ئەمەریکا و عەرەبستانی سعودیە کۆمەڵێک ڕێکەوتن ڕادەگەیەنن
2022-07-16 [10:40 AM]

ZNA - هه‌ولێر


 

لە میانەی سەردانەکەی سەرۆکی ئەمەریکا جۆو بایدندا بۆ عەرەبستانی سعودیە، دوو وڵاتەکە کۆمەڵێک ڕێکەوتنیان لەنێوانیاندا واژۆ کرد، لە کشاندنەوەی هێزە ئاشتی پارێزەکانی دوورگەیەکی ستراتیژی دەرەوەی سعودیە و کەناراوەکانی میسڕەوە بۆ هاریکارییەکان لە تەکنەلۆجیای مۆبایلدا.

دوای کۆبوونەوەکەی سەرۆک بایدن لەگەڵ بەرپرسانی باڵای سعودیەدا، لەوانەش شازادەی جێنشینی سعودیە محەمەد بن سەلمان، ئەمەریکا لە بەیاننامەیەکدا پێشوازیی لە ڕاگەیاندنێک کرد بۆ خێراکردنی زیادکردنی بەرهەمهێنانی نەوت لەلایەن گروپی ئۆپیک پڵەسەوە، کە هەریەک لە سعودیە و ڕووسیاش دەگرێتەوە.

ئەمەریکا لە بەیاننامەکەدا گوتی هێزە ئاشتی پارێزەکانی دیکە دوورگەی تیران جێدەهێڵن، کە وەکو بەشێک لە ڕێکەوتنەکانی ساڵی 1978 دا لەو دوورگەیەدا جێگیرکرابوون، هەر ئەو ڕێکەوتنەش بووە هۆی ئەوەی ئیسڕائیل و میسڕ ڕێکەوتنی ئاشتی لەنێوانیادا واژۆ بکەن. دوورگەی تیران دەکەوێتە نێوان سعودیە و میسڕەوە، ناوچەیەکی ستراتیژییە و دەچێتەوە سەر بەندەری ئیلاتی ئیسڕائیل.

واشنتن پێشوازی لە هەنگاوەکەی سعودیەش کرد بۆ کردنەوەی ئاسمانەکەی بەڕووی ئەو فڕۆکە مەدەنییانەدا کە لە ئیسڕائیلەوە دێن و بەپێچەوانەشەوە.

لە ڕاگەیاندنەکانی دیکەدا باس لە ڕێکەوتنێک کراوە سەبارەت بە هاریکاریکردنی نێوان ئەمەریکا و سعودیە لەسەر تەکنەلۆجیای نەوەی پێنج و نەوەی شەشی مۆبایل و هەروەها ئاسایشی ئەلیکترۆنیش.

 

voa





ئەم هەواڵە 196جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad