English | عربی | Kurdî دواهەواڵ
ڕاستەوخۆ  
 
ماوەی لادانی گومرگ لەسەر کاڵا خۆراکییەکان درێژکرایەوە
2022-07-18 [10:48 AM]

ZNA - هه‌ولێر


 

حکوومەتی هەرێمی کوردستان بڕیاری لادانی گومرگ لەسەر بەرهەم و پێداویستییە خۆراکییەکان تاوەکو 30ـی ئەیلوولی ئەمساڵ درێژکردەوە.

فەرمانگەی میدیا و زانیاری حکوومەتی هەرێمی کوردستان ڕایگەیاند: بەپێی بڕیاری ژمار 159ـی ئەنجوومەنی وەزیرانی هەرێمی کوردستان، ماوەی کارکردن بە سەرجەم بڕگەکانی بڕیاری ژمارە 140ـی ئەنجومەنی وەزیران تایبەت بە ئاسانکاریی بۆ دابینکردنی پێداویستییە خۆراکییە سەرەکییەکان تاوەکو 30ـی ئەیلوولی 2022 درێژ کردەوە تاوەکو بارگرانی نەبوونی بەرهەمە خۆراکییەکان و گرانبوونیان لەسەر هاووڵاتییان دروست نەبێت.

لە خاڵی دووەمی بڕیارەکەی ئەنجوومەنی وەزیرانی هەرێمی کوردستاندا هاتووە،  تیمەکانی چاودێری بازاڕ و لیژنەکانی قایمقامیەت و ئاسایشی بازرگانی لە پارێزگا و ئیدارە سەربەخۆکان ڕاسپێردراون بۆ بەردەوامبوون لە چاودێریکردنی بازاڕ و ڕێگرتن لە خراپ سوودوەرگرتن لەو ئاسانکارییانە و بەرگرتن لە بەرزکردنەوەی نرخەکان و ڕەوانەکردنی سەرپێچیکاران بۆ لێپرسینەوە و گرتنەبەری رێکاری یاسایی بەرامبەریان.

بەپێی بڕیاری ژمارە 140ـی ئەنجوومەنی وەزیرانی هەرێمی کوردستان گومرگ لەسەر هەریەک لە ئارد، برنج، زەیتی گولەبەرۆژە، زەیتی گەنمەشامی، رۆنی رووەکی بەستوو، رۆنی ئاژەڵی بەستوو، چای رەش، شەکر، پاقلەمەنی وشک وەک (نیسک، نۆک، پاقلە، لۆبیا، فاسۆلیا و ماش) و شیری منداڵان بە هەموو جۆرەکانییەوە هەڵدەگیرێت، هەروەها وەرگرتنی باج لە بازرگانانی هاوردەکاری بەرهەمە خۆراکییەکان دوادەخرێت.





ئەم هەواڵە 139جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad