English | عربی | Kurdî دواهەواڵ
ڕاستەوخۆ  
 
بانكی ناوەندی عێراق داوای دامەزراندنی سندوقی سەروەری لەحكومەت دەكات
2022-07-19 [07:41 AM]

ZNA – هەولێر


بانکی ناوەندی عێراق رایگەیاند، داوایان کردووە سندوقی سەروەری دامبەزرێنرێت و بۆ هەڵگرتنی زیادەی داهات تەرخانبکرێت.

 

 
رۆژی دووشەممە18-7-2022، عەمار خەلەف جێگری پارێزگاری بانکی ناوەندی عێراق بە ئاژانسی فەرمی هەواڵی عێراقی راگەیاند، داوایان کردووە سندوقی سەروەری دابمەزرێنرێت کە دەبێتە دەرچەیەکی گرنگ بۆ فرۆشتنی دراو و پارەدارکردنی بازرگانی دەرەکی وڵات بەشیوەیەکی بنەڕەتی.

خەلەف گوتیشی، ئیدارەی بانکی ناوەندی داوایکردووە سندوقەکە تەرخانبکرێت بۆ سود وەرگرتن لەو زیادەیەی داهات کە دەست حکومەت دەکەوێت و تیایدا هەڵبگیرێت.

لەبارەی بڕیاری دامەزراندنی سندوقەکەشەوە، جێگری پارێزگاری بانکی ناوەندی عێراق ئاشکرای کرد، لە بنەڕەتدا بڕیارەکە بە دەست حکومەتی عیراقی و وەزارەتی داراییە.

خەلەف ئەوەشی خستەڕوو، بانکی ناوەندی لەکاتی دامەزراندنی سندوقەکەدا تەنها بەشداری لە ئیدارەدان و بەڕیوەبردنی سندوقەکەدا دەکات.

لەبارەی ڕۆڵی سدنوقەکەشەوە، دەڵێت:  دەرچەیەکی گرنگە بۆ فرۆشتنی دراو و پارەدارکردنی بازرگانی دەرەکی وڵات بەشێوەیەکی بنەڕەتی و ئەو دارانەی هەناردەی دەرەوە دکرێن بەندە لەسەر هاوردەکردنی کاڵاوە، ئەمەش رێگایەکی باشە بەمەبەستی دابینکردنی دراوی بیانی بەمەبەستی بەردەستخستن و دابینکردنی کاڵا و خزمەتگوزارییەکان.

ئەمە لەکاتێکدایە، دوای ئەوەی حکومەتی عێراق رایگەیاند، سەرجەم قەرزەکانی وڵاتی کوەیتی داوەتەوە، راوێژکاران و شارەزایانی ئابوری و دارایی پێشنیاریان کرد "سندوقی سەروەری" دابمەزرێنرێت و ئەو بڕە پارەیەی مانگانە وەک قەرز و قەرەبوو دەدرایەوە بە کوەیت لەگەڵ زیادبوونی داهاتی تێدا هەڵبیگیرێت بەمەبەستی پاڵپشتیکردنی پڕۆژەکانی وەبەرهێنان.

 





ئەم هەواڵە 187جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad