English | عربی | Kurdî دواهەواڵ
ڕاستەوخۆ  
 
بایرن بە بەشداری مانێ و دیلێخت سەرکەوتنی بەدەستهێنا
2022-07-21 [09:08 AM]

ZNA - هەولێر


هەریەکە لە سادیۆ مانێ و ماتیاس دیلێخت، یاریزانانی نوێی یانەی بایرن میونشن یەکەم گۆڵی خۆیان بەدرێسی یانەکەوە تۆمارکرد و سەرکردایەتی تیپەکەیان کرد بۆ بردنەوەیەکی گەورە لە دی سی یونایتد.

 

لە یەکەم یاریی دۆستانەیدا، بایرن میونشن لە ئەمریکا بووە میوانی یانەی دی سی یونایتد کە وەین روونی راهێنەری نوێی ئەو یانەیەیە و باڤارییەکان بە 6-2 یارییەکەیان بردەوە.

 

دوای 5 خولەک یارییکردن، سادیۆ مانێ بەلێدانی سزا یەکەم گۆڵی خۆی بەدرێسی بایرن میونشنەوە تۆمارکرد و یانەکەی پێشخست، لە خولەکی 12 مارسێل سابیتزەر گۆڵی دووەمی تۆمارکرد، پێشکۆتاییهاتنی نیوەی یەکەمیش سێرج نابری گۆڵی دیکەی بۆ یانەی میوان تۆمارکرد.

 

لەسەرەتای نیوەی دووەمدا و لە خولەکی 47 ماتیاس دیلێخت لە یەکەم یارییدا بەدرێسی بایرن میونشنەوە گۆڵی چوارەمی بۆ تیپەکە تۆمارکرد، دوای چوار خولەک جۆشوا زیرکزی گۆڵێکی دیکەی تۆمارکرد و یارییەکە بووە 5-0، پاشان سکاگۆ سیمۆنسن و کو دیپیێترۆ دوو گۆڵیان بۆ دی سی یونایتد، بەڵام لە خولەکی 92 تۆماس مولەر وەڵامی دانەوە و بە تۆمارکردنی گۆڵی شەشەم، بایرن میونشنی کردە خاوەنی سەرکەوتنێکی گەورە و باڤارییەکان 6-2 یارییەکەیان بردەوە.

 

یاریی داهاتووی بایرن میونشن بەرەبەیانی رۆژی 24ـی مانگ بەرامبەر مانچێستەر سیتی دەبێت.

 

رووداو





ئەم هەواڵە 541جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad