English | عربی | Kurdî دواهەواڵ
ڕاستەوخۆ  
 
ئاشکرابوو.. کریستیانۆ لەکوێیە و چۆن کاتەکەی بەسەردەبات
2022-07-22 [10:33 AM]

ZNA - هەولێر


رۆژنامەڤانێکی پۆرتوگالی، شوێنی ئێستای کریستیانۆ رۆناڵدۆی ئەستێرەی مانچێستەر یونایتد ئاشکرا دەکات و باس لەو دەکات کە لەم رۆژانەدا کاتەکەی بە چی و چۆن بەسەردەبات، رەتیشدەکاتەوە کریس بێجگە لە لیشبۆنە خۆی لە شوێنێکی دیکە شاردبێتەوە.

 

هێشتا نهێنییەکانی دیارنەمانی رۆناڵدۆ و دوورییەکەی لە چاوی کامێراکان و داهاتووی ئەو ئەفسانە پورتوگالییە لەگەڵ یانەی مانچێستەر یونایتد روون نین و کەس نازانێت داهاتووی کریس کەی و چۆن یەکلایی دەبێتەوە، لە کاتێکدا رۆژانێکی کەم ماون بۆ دەستپێکردنی وەرزی 2022-2023ـی پرێمەرلیگ.

 

لە وەڵامی ئەو دەنگۆیانەدا کە باس لەوە دەکەن گوایە رۆناڵدۆ خۆی لە میدیا و رۆژنامەڤانان شاردووەتەوە، پێدرۆ سۆبێلڤێدا، رۆژنامەڤانی بەنێوبانگی پورتوگالی لەبارەی یاریزانە تەمەن 37 ساڵییەکەوە، بە میدیاکانی راگەیاند "کریستیانۆ هێشتا لە شاری لیشبۆنەیە".

 

پێدرۆ گوتیشی "کریستیانۆ لە هیچ شوێنێکی دیکەی ئەوروپا خۆی ناشارێتەوە، بەو پێیەی نەریتەکانی لەبارەی خۆدزینەوە لە رۆژنامەنووسان نەگۆڕیوە".

 

رۆژنامەڤانە پۆرتوگالییەکە، ئاماژە بەوەش دەکات کە رۆناڵدۆ هەموو رۆژێک کاژێر 9ـی بەیانی لەناو ماڵەکەیدا مەشق دەکات و دەشڵێت "کریس تاوەکو کاژێر پێنج یان شەشی ئێوارە لەوێ دەمێنێتەوە".

 

پێدرۆ زیاتر لەبارەی داهاتووی کریسەوە قسە دەکات و دەڵێت "هێشتا یاریزانە پورتوگالییەکە چاوەڕێی دوایین پێشهاتەکانی خۆرخی مێندێزی بەڕێوەبەری کارەکانی دەکات، کە لە هەوڵدایە بۆ دۆزینەوەی یانەیەک بۆ دۆن کریستیانۆ".

 

پێدرۆ ئاماژە بەوەش دەکات "هێشتا نازانین رۆناڵدۆ کەی گەشت دەکات بۆ مانچێستەر".

 

کریستیانۆ رۆناڵدۆ تاوەکو ئێستا پەیوەندی بە مەشقەکانی مانچێستەر یونایتدەوە نەکردووە و لەگەڵیدا گەشتی ئامادەکاری بۆ ئاسیا و ئەمریکا نەکردووە، لە کاتێکدا تەنیا دوو هەفتە ماوە بۆ دەستپێکردنی وەرزی نوێی پرێمەرلیگ.

 

سۆبێلڤێدا لە کۆتایی قسەکانیدا، دەڵێت "چەند رۆژی داهاتوو یەکلاکەرەوە و گرنگ دەبن بۆ یەکلاییکردنەوەی چیرۆکی کریستیانۆ رۆناڵدۆ و مانچێستەر یونایتد".

 

 

رووداو 





ئەم هەواڵە 895جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad