English | عربی | Kurdî دواهەواڵ
ڕاستەوخۆ  
 
ئۆکرانیا: رووسیا هێرشی موشەکی کردۆتەسەر بەندەری ئۆدێسا
2022-07-23 [01:50 AM]

ZNA - هه‌ولێر


 

سوپای ئۆکرانیا دەڵێت ڕووسیا هێرشی موشەکی کردۆتەسەر دامەزراوەیەکی بەندەری ئۆدێسا، ئەمەش ڕۆژێک دوای ئەوەی ڕووسیا و ئۆکرانیا ڕێکەوتن لەسەر کردنەوەی بەندەرەکانی ئۆکرانیا لە دەریای ڕەش و دەستپێکردنەوەی هەناردەکردنی گەنمی ئۆکرانیا.

سەرکردایەتی باشووری ئۆکرانیا گوتی " دوژمن بە موشەکی کروزی کالیبر هێرشی کردەسەر بەندەری دەریایی بازرگانی ئۆدێسا، هێزی بەرگری ئاسمانیمان دوو موشەکی خستۆتە خوارەوە، دوو موشەک لە دامەزراوەیەکی بەندەرەکەیان داوە."

ڕۆژی هەینی ڕووسیا و ئۆکرانیا لە ئیستەنبوڵی تورکیا بە سەرپەرشتی نەتەوە یەکگرتووەکان ڕێکەوتنێکیان بۆ دووبارە دەستپێکردنەوەی هەناردەکردنی گەنمی ئۆکرانیا لە بەندەرەکانی دەریای ڕەشەوە بۆ بازاڕەکانی جیهان واژۆکرد.

وتەبێژی وەزارەتی دەرەوەی ئۆکرانیا ڕایگەیاند هێرشەکە گومانی لەسەر ڕێکەوتن و بەڵێنەکانی ڕووسیای دروست کرد کە لە ئیستەنبوڵ بە نەتەوە یەکگرتووەکان و تورکیای دابوو.

وەزارەتی دەرەوەی ئۆکرانیا لە بەیاننامەیەکدا داوای لە نەتەوە یەکگرتووەکان و تورکیا کرد دڵنیا ببنەوە لەوەی ڕووسیا پابەندی بەرپرسیارێتییەکانی دەبێت لە ڕێکەوتنەکەدا و ڕێڕەوێکی پارێزراو دەکاتەوە بۆ ئەو کەشتیانەی کە گەنمەکە لە بەندەرەکانی دەریای ڕەشەوە دەگوازنەوە.

تاوەکو ئێستا وەزارەتی بەرگری ڕووسیا لێدوانی لەسەر هێرشەکە نەداوە.

باڵیۆزی ئەمەریکا لە کیێڤ بریدجیت برینک هێرشەکەی بە " خراپکاری " ناوبرد.

برینک گوتی " دوای کەمتر لە 24 کاتژمێر لە واژۆکردنی ڕێکەوتنەکە، ڕووسیا هێرشی کردە سەر ئۆدێسا. کرێملن بەردەوامە لە بەکارهێنانی خۆراک وەکو چەک. ڕووسیا دەبێت بە بەرپرس دابندرێت."





ئەم هەواڵە 562جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad