English | عربی | Kurdî دواهەواڵ
ڕاستەوخۆ  
 
بەهۆی لافاوێكی كتوپڕ له‌ باشووری ئێران 17 کەس گیانیان لەدەستدا
2022-07-23 [01:53 AM]

ZNA - هه‌ولێر


 

تەلەفزیۆنی فەرمی ئێران ڕۆژی شەممە بڵاویکردەوە، بەهۆی دروستبوونی لافاوێکی کتوپڕ و بە‌هێز لە پارێزگای فارس کە دەکەوێتە باشووری ئێرانەوە لانیکەم 17 کەس گیانیان لەدەستداوە، لە کاتێکدا ناوچەکە بەهۆی وشکەساڵییەوە زیانی بەرکەوتووە.

یوسف کارگەر پارێزگاری شارەکە ڕایگەیاندووە؛ بارانێکی بەخوڕ بووە هۆی ئەوەی ئاوی ڕووباری ڕوودباڵی لە بەری شاری ئیستاحبان بەرزبێتەوە و ببێتە هۆی لافاو.

کارگەر گوتیشی تیمەکانی فریاکەوتن 55 کەسیان ڕزگارکردووە کە بەهۆی لافاوەکەوە گیریان خواردبوو، بەڵام لانیکەم شەش کەس هێشتا بێسەروشوێنن.

پێشتر بەشی کەشناسی ئێران هۆشداری دابوو سەبارەت بە ئەگەری بارانبارینی زۆری وەرزی لە سەرانسەری ئەو وڵاتەدا کە ڕووبەڕووی وشکەساڵییەکی دەیان ساڵە بۆتەوە بەهۆی گۆڕانی کەشوهەواوە. هەروەها مەترسییەکانی دروستبوونی لافاوی لەم شێوەیە کتوپڕ بەهۆی بنیاتنانی باڵەخانە و ڕێگاوبانی بەربڵاو لە نزیک کەناری ڕووبارەکانەوە زیاتر بووە.

لە مانگی 3 ی ساڵی 2018 دا بەهەمان شێوە لافاوێکی کتوپڕ و بەهێز لە پارێزگای فارسی دا کە بووە هۆی گیان لە دەستدانی 44 کەس.





ئەم هەواڵە 259جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad