English | عربی | Kurdî دواهەواڵ
ڕاستەوخۆ  
 
ئێران... بەهۆی لافاوەوە 23 كەس بوونە قوربانی
2022-07-24 [08:54 AM]

​ZNA- هەولێر


لە پارێزگای فارس لە باشووری ئێران، بەهۆی لافاوەوە 20 گیانیان لەدەست دا و 3 دیکەش تاوەکو ئێستا بێسەروشوێنن، هەروەها 15 ئۆتۆمبێلیش ژێر ئاوكەوتوون.

بەڕێوەبەری ناوەندی بەڕێوەبردنی قەیرانەکانی پارێزگای فارس، خەلیل عەبدوڵڵاھی بە ئاژانسی هەواڵی فەرمی "ئێرنای" ئێرانی راگەیاند: لە کۆی 23 کەس 20 کەس لە لافاوەکانی دەوروبەری شارەکانی ئیستەهبان و داراب سەربە پارێزگای فارس گیانیان لەدەستدا، سێ کەس بێسەروشوێن بوون و 15 ئۆتۆمبێلیش ژێرئاو کەوتن.

عەبدوڵڵاھی گوتیشی: بەهۆی ئەو بارانە زۆرەی ناوچەکەی گرتەوە، بە خێرایی ئاوی رووباری رودباڵ دەهاتە خوارێ و لە ئەنجامدا 55 کەس کە لە ئاودا گیریان خواردبوو رزگارکران و هەوڵەکانی گەڕان و رزگارکردن بەردەوامە بۆ ئەو سێ کەسەی کە بێسەروشوێنن.

بەڕێوەبەری گشتیی دەستەی مانگی سووری پارێزگای فارس، حوسێن دەروێشی رایگەیاند: کە هەوڵەکانی گەڕان لە ئیستەهبان بە بەشداریی 22 تیم و 125 کارمەند بەردەوامە و 74 کەسیش رزگارکراون.

دەروێشی رایگەیاند، 51 ماڵ بەهۆی لافاوەکەوە زیانیان بەرکەوتووە و هاوکارییەکان دەگەیەندرێتە زیانلێکەوتووان و لێقەوماوان.

 





ئەم هەواڵە 442جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad