English | عربی | Kurdî دواهەواڵ
ڕاستەوخۆ  
 
سكرتێری گشتی نەتەوەیەكگرتووەكان راگەیێندراوێكی لەسەر خۆپیشاندانەكانی عێراق بڵاوكردەوە
2022-07-30 [08:41 AM]

​ZNA – هەولێر


سکرتێری گشتیی نەتەوەیەکگرتووەکان، رایگەیاند، جەختی لە بوونی هەماهەنگی لەگەڵ حکوومەتی عێراق بۆ پاراستنی دامەزراوەکانی دەوڵەت و نوێنەرایەتییە دیپلۆماتییەکان لە عێراق کردەوە.

ئەنتۆنیۆ گۆتێریس، سکرتێری گشتیی نەتەوەیەکگرتووەکان لە راگەیەندراوێکدا کە لەلایەن نەتەوەیەکگرتووەکانەوە بڵاوکراوەتەوە، جەختی لە گرنگی هاوکاریکردنی هەموو هێزە ئەمنییەکان لەگەڵ حکوومەتی عێراق کردووەتەوە لە هەوڵەکانیان بۆ دەستەبەرکردنی ئاسایش و پاراستنی سەرجەم دامەزراوەکانی دەوڵەت و نوێنەرایەتییە دیپلۆماتییەکان".

لە راگەیەندراوەکەدا هاتووە "سکرتێری گشتی نەتەوەیەكگرتووەكان، لە نزیکەوە بەدواداچوون بۆ پێشهاتەکانی عێراق دەکات و سەرنج دەخاتە سەر ئەو راستییەی کە ئازادی رادەربڕین و دەربڕینی ناڕەزایەتی بە شێوەیەکی ئاشتیانە مافێکی بنەڕەتین کە دەبێت هەمیشە رێزیان لێ بگیرێت".

لە بەشێکی دیکەی راگەیەندراوەکەدا هاتووە "هەوڵەکانی حکوومەتی عێراق بۆ پاراستنی سەرجەم دامەزراوەکانی دەوڵەت و نوێنەرایەتییە دیپلۆماتییەکان و کارمەندەکانیان پێویستە لەلایەن هەموو دەزگا ئەمنییەکانەوە پاڵپشتی بکرێت، بەو مەرجەی لە سنووری رێزگرتن لە مرۆڤدا بمێننەوە".

هەر لە راگەیەندراوەکەدا ئاماژە بەوە كراوە كە نەتەوەیەكگرتووەكان بەردەوام هۆشداریی دەدات لەوەی كە پێویستە خۆپیشاندانەكان لە عێراق ئاشتیانە بن و هێزە ئەمنییەكانیش بە وریاییەوە مامەڵە بكەن.

 





ئەم هەواڵە 166جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad