|
 |
|
|||
ZNA-هەولێر وەزارەتی بازرگانی عێراق رایگەیاند، لەمڕۆوە دەست دەکەن بە ئامادەکردنی ژەمی پێنجەمی ئاردی ئەمساڵ.
ئاماژە بەوەشدراوە، کۆمپانیای بازرگانیکردنی دانەوێڵە لە عێراق بەشی بازاڕکردنی لە سەرجەم لقەکانی پارێزگاکان ئاگادار کردووەتەوە بۆ ئامادەکردنی لیستەکانی دابەشکردنی ژەمی نوێی ئارد. ئەوەشخراوەتەڕوو، کۆمپانیای بازرگانیکردنی دانەوێڵە خشتەیەکی کاتی ئامادەکردووە و بە پێی ئەو خشتەیە بریکارەکانی دابەشکردنی ئاردبەشە ئاردی خۆیان وەردەگرن و دابەشی دەکەن. باسی لەوەشکردووە، کۆمپانیاکە بە هەماهەنگی لەگەڵ کۆمپانیای بەرهەمهێنانی دانەوێڵە بڕی پێویستی گەنمی بۆ ئامادەکردنی ئاردی ئەم مانگە دابین کردووە و بە پێی فۆڕمی خۆراک دەدرێت بە هاوڵاتییان. هەر لە راگەیەندراوەکەدا باسلەوەشکراوە، پێویستە بریکارەکان سەردانی لقە سەرەکییەکانی کۆمپانیای بازرگانیکردنی دانەوێڵە لە پارێزگاکان بکەن و بەشە ئاردی خۆیان وەربگرن و پابەندبن بە خشتەی کاتی دابەشکردنەوە. ئەوەشهاتووە، پێویستە سەرجەم لایەنەکان پاپەندبن بە خشتەی کاتەوە هەتا هاوڵاتییان بتوانن لە کاتی خۆیدا ئاردەکانیان وەربگرن. ئەم هەواڵە 190جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad