English | عربی | Kurdî دواهەواڵ
ڕاستەوخۆ  
 
په‌یامێك له‌ موقته‌دا سه‌دره‌وه‌
2022-07-31 [05:49 AM]

ZNA- هه‌ولێر


موقته‌دا سه‌در، رێبه‌ری ره‌وتی سه‌در له‌ په‌یامێكدا، "ئازادكردنی ناوچه‌ی سه‌وز"ی راگه‌یاند.

دوای ئه‌وه‌ی لایه‌نگرانی ره‌وتی سه‌در له‌ هۆڵی ئه‌نجوومه‌نی نوێنه‌ران، مقته‌دا سه‌دریان وه‌ك "فه‌رمانڕه‌وای عێراق" ناساند، موقته‌دا سه‌در په‌یامێكی بڵاوكرده‌وه‌.

له‌ په‌یامه‌كه‌دا هاتووه‌: شۆڕشی هه‌ڕه‌مه‌كیانه‌ی ئاشتیخوازانه‌ ناوچه‌ی سه‌وزی ئازاد كرد، وه‌ك قۆناغی یه‌كه‌م و ئه‌مه‌ش ده‌رفه‌تێكی زێڕینه‌ بۆ هه‌موو ئه‌وانه‌ی له‌ عێراقدا به‌ ئاگری سته‌م و تیرۆر و گه‌نده‌ڵی و داگیركاری و شوێنكه‌وته‌یی چزاون.

له‌ به‌شێكی دیكه‌ی په‌یامه‌كه‌یدا، سه‌در هیوای خواستووه‌ مه‌رگه‌ساتی له‌ده‌ستچوونی ده‌رفه‌تی زێڕینی یه‌كه‌می ره‌وته‌كه‌یان له‌ 2016دا دووباره‌ نه‌بێته‌وه‌ و گوتی: به‌ڵێ ئه‌مه‌ ده‌رفه‌تێكی دیكه‌یه‌ بۆ گۆڕانكاری له‌ سته‌م و تاریكی و گه‌نده‌ڵی و تاكڕه‌وی و شوێنكه‌وتنی ده‌ره‌كی و پشكپشكێنه‌ی تائیفییه‌وه‌ كه‌ له‌ داگیركردنی عێراقه‌وه‌ له‌سه‌ر سینگی عێراق نیشتووه‌.

هه‌روه‌ها نووسیویه‌تی: به‌ڵێ ئه‌مه‌ ده‌رفه‌تێكی مه‌زنه‌ بۆ گۆڕانكاری ریشه‌یی له‌ سیسته‌می سیاسی و ده‌ستوور و هه‌ڵبژاردن كه‌ له‌ به‌رژه‌وه‌ندی ده‌وڵه‌تی قووڵدا ساخته‌كاری تێدا ده‌كرا.

ئه‌وه‌شی نووسیوه‌: هه‌مووتان به‌رپرسن، به‌رپرسیارێتیتان له‌ تاقیكردنه‌وه‌دایه‌، یان عێراقێكی ره‌گداكوتاو، یان عێراقێكی شوێنكه‌وته‌، كه‌ گه‌نده‌ڵان و به‌دووكه‌وتووان و ئه‌وانه‌ی خاوه‌نی ته‌ماعكاری دنیایین و له‌ لایه‌ن ده‌ستی خۆرئاوایی و خۆرهه‌ڵاتییه‌وه‌ جووڵه‌یان پێده‌كرێت.

له‌ به‌شێكی دیكه‌ی په‌یامه‌كه‌یدا، سه‌در داوای له‌ هه‌موو لایه‌ك كردووه‌ په‌یوه‌ستی ئه‌و جووڵانه‌وه‌یه‌ بن، كه‌ لایه‌نگرانی ده‌ستیان پێكردووه‌ و جووڵه‌كه‌ی به‌ راپه‌ڕینی حوسێن له‌ دژی سته‌مكاران چوواندووه‌.





ئەم هەواڵە 220جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad