2022-08-01 [04:23 AM]

دوێن جۆنسن، ئەکتەری ئەمریکی رایگەیاند، تایلۆر سویفت، گۆرانیبێژی ئەمریکی دوو گۆرانیی لە فیلمی ئەنیمەیشن  DC League of Super-Pets گوتووە.

گۆرانییەکان تایلۆر سویفت لەم بەرهەمە سینەماییەدا پێشکەشی کردوون، بەناوی Bad Blood و Message In A Bottleـن.
لەلایکی دیکەوە ئەم بەرهەمە سینەماییە کە 29 تەممووز بڵاوکرایەوە، داهاتی یەکەم رۆژی لە سینەماکانی جیهاندا 23 ملیۆن دۆلاری ئەمریکی بوو و داهاتی لە یەکەم هەفتەی نمایشکردنیدا 41 ملیۆن و 400 هەزار دۆلارە.

ئەم بەرهەمە لە سینەماکانی ئەمریکا و کەنەدا 23 ملیۆن دۆلار و لە سینەماکانی دیکەی جیهاندا 18 ملیۆن و 400 هەزار دۆلاری بەدەستهێنا.

لە فیلمەکەدا هەریەک لە دێن جۆنسن، کیڤن هارت، کیانۆ ریڤز، کیت ماکینن و ڤانیسیا بایەر بە دەنگ رۆڵی کارەکتەرەکان دەگێڕن.

فیلمەکە باس لە سەگی سوپەرمان دەکات کە تیمێک لەگەڵ ژمارەیەک ئاژەڵی ماڵی دروستدەکات و هێزیان پێدەدات.