English | عربی | Kurdî دواهەواڵ
ڕاستەوخۆ  
 
ل ژێر دوریشمێ "لالش كانییه‌كا زه‌لاله‌ دهوریته‌ دروبارێ ره‌وشه‌نبیرى یا كوردى دا "چارده‌مین كونگرێ بنگه‌هێ لالش یێ ره‌وشه‌نبیرى وجڤاكى هاته‌ ئه‌نجامدان
2022-08-04 [03:27 AM]

ZNA-هەولێر


ئه‌ڤرۆ  سپێدێ رۆژا پێنچ  شه‌مبى  4/ 8/2022 ل هولا محمد عارف جزیرى ل باژێرێ دهۆكێ و ب ئاماده‌بونا  به‌رێزان رێبه‌ر احمد نونه‌رێ به‌رێز مه‌سرور بارزانى سه‌روكێ حكومه‌تا هه‌رێما كوردستانێ ود.عه‌لى ته‌ته‌ر پارێزگارێ دهۆكێ ومیر  حازم به‌گ میرێ ئێزدیان ل جیهانێ وچه‌ند به‌رپرسێن حزبى وئیدارى وله‌شكرى ل عیراقێ وهه‌رێما كوردستانێ وریسپى و وماقیل ونونه‌رێن ئولى ونه‌ته‌وه‌یى ل ده‌ڤه‌رێ ول ژێر دوریشمێ ((لالش كانییه‌كا زه‌لاله‌ دهوریته‌ دروبارێ ره‌وشه‌نبیرى یا كوردى دا )) چارده‌مین كونگرێ بنگه‌هێ لالش  یێ ره‌وشه‌نبیرى وجڤاكى هاته‌ ئه‌نجامدان.
ل ده‌سپێكێ پارچه‌ موزیكه‌كا فلكلورى ژلایێ گروپه‌كێ ئولێ ئێزدیان هاته‌ پێشكێشكرن.
پاش  د.على ته‌ته‌ر  پارێزگارێ دهۆكێ دپه‌یڤه‌كێدا بخێر هاتنا هه‌موو مێهڤانان ل سه‌ر ئاستێ عیراقێ وهه‌رێما كوردستانێ كر وگوت: ئاماده‌بونا هه‌وه‌ هه‌موویان رێزگرتنه‌ بو ئێزیان وپێكڤه‌ ژیانا ئولى ونه‌ته‌وه‌یى یا مێژویى وپرسه‌ره‌وه‌رى لڤێ پارێزگه‌هێ .
هه‌روه‌سا په‌سنا رولێ بنگه‌هێ لالش وسه‌روك وئه‌ندامێن وێ یێ وه‌غه‌ركرى ویێن مایى كر ل دور ئه‌و كاروچالاكیێن جڤاكى وره‌وشه‌نبیرى یێن ئه‌نجامداین نه‌خاسمه‌ ئه‌و چالاكیێن بوینه‌ هوكار كو گیانێ پێكڤه‌ ژیانێ  لڤێ ده‌ڤه‌رێ پتر پێشبكه‌ڤیت ، وژبه‌ر ڤان هوكاران حكومه‌تا هه‌رێما كوردستانێ وكارگێریا پارێزگه‌هێ گرنگییه‌كا تایبه‌ت دایه‌  ڤان بنه‌مایێن پێكڤه‌ ژیانێ.
پارێزگارێ دهۆكێ ته‌كه‌زكر كو ئێزدى پشكه‌كن ژ ڤى نیشتمانى وچ چارا ژكوردستانێ ناهێنه‌ دابرین و سه‌روك بارزانى ژى گرنگییه‌كا تایبه‌ت دایه‌ ئێزدیان وب كوردێن ره‌سه‌ن سالوخه‌تداینه‌ وپیروزباهى ل كونفرانسى وهه‌موو پشكدارا كر  وپشته‌ڤانیا پارێزگه‌هێ نیشان دا بو هه‌ر هاریكاریه‌كێ وداخازا سه‌ركه‌فتنێ بو كر .
پاش حاكم به‌رجه‌ست گوتارا كارگێریا بنگه‌هێ لالش پێشكێشكر ورونكرن دانه‌ سه‌ر ئه‌و كار وچالاكیێن ل ده‌مێ ده‌ربازبوى ژلایێ بنگه‌هى ولقێن بنگه‌هى هاتینه‌ ئه‌نجامدان وسوپاسیا هه‌موو لایه‌نان كر یێن پشته‌ڤانیا بنگه‌هى دكه‌ن.
پاش په‌یڤا به‌رێز مه‌سرور بارزانى ژلایێ به‌رێز رێبه‌ر احمد وه‌زیرێ نافخویێ حكومه‌تا هه‌رێمێ هاته‌ خاندن وسلاڤ ورێزێن سه‌روكێ حكومه‌تێ گه‌هاندنه‌ پشكدارێن كونگره‌ى  وگرنگیا دامه‌زراندنا بنگه‌هێ لالش دیاركر وگوت: بنگه‌هێ لالش سه‌نگه‌ره‌كێ مۆكۆمبوو ژبو به‌ره‌ڤانیكرن وهه‌بوونا ئێزدیاتیێ وبنگه‌هێ لالش بكریار دوریشمێ خو به‌رجه‌سته‌كریه‌ ژبۆ پاراستنا پێكڤه‌ ژیانا ئولى ونه‌ته‌وه‌یى ل كوردستانێ.
هه‌روه‌سا گوت:سه‌روك بارزانى  به‌رده‌وام پشته‌ڤانیا بنگه‌هێ لالش كریه‌ هه‌روه‌سا  حكومه‌تا هه‌رێما كوردستانێ هه‌رده‌م  هاریكاربویه‌ وئه‌ڤ هاریكاریه‌ دێ یا به‌رده‌وامبیت بو بنگه‌هێ لالش وداخازا سه‌ركه‌فتنێ بو كونگره‌ى كر.
پاش تیپا شاریا یا هونه‌رێ مللى چه‌ند تابلویێن فلكلورى پێشكێشكرن .
هه‌ر بڤێ هه‌لكه‌فتێ خه‌لاتێ رێزلێنانێ یێ كونگرێ (14) یێ بنگه‌هێ لالش ژلایێ حازم به‌گ میرێ ئێزدیان ب ماڵباتا خودێ ژێ رازى شێخ شامۆ سه‌روكێ وه‌غه‌ركرى یێ بنگه‌هَ لالش هاته‌ به‌خشین.
بریاره‌ ل دانێ ئێڤارى هه‌لبژارتن بهێنه‌ كرن وده‌سته‌كا نوو بو بنگه‌هێ لالش بهێته‌ هه‌لبژارتن.





ئەم هەواڵە 232جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad