English | عربی | Kurdî دواهەواڵ
ڕاستەوخۆ  
 
روسیا ئاماری حەوت مانگ لە جەنگی ئۆکرانیای بڵاوکردەوە
2022-08-06 [09:12 AM]

ZNA-هەولێر


وتەبێژی وەزارەتی بەرگریی روسیا رایگەیاند، لە دەستپێکی جەنگەوە تا ئێستا سێ هەزار و ٢٦٧ تانک و هاوەنیان لە ئۆکراینا تێکشکاندووە.


ئیگۆر کۆناشێنکۆڤ وتەبێژی وەزارەتی بەرگریی روسیا ئاماژەی بەوەدا، لە دەستپێکی جەنگی وڵاتەکەیەوە لەگەڵ ئۆکرانیا تا ئێستا سێ هەزار و ٢٦٧ تانک و هاوەنیان لەو وڵاتە تێکشکاندووە.

 

ئاماژەی بەوەشدا، هێزە سەربازییەکانی روسیا بەردەوامن لە هێرشکردنە سەر ناوەندە سەربازییەکانی ئۆکراینا و لە رێی چەکی هەستیارەوە هێرشیان کردووتە سەر عەمباری چەکی بەتالیۆنی ٤٤ـی تۆپهاوێژەکانی ئۆکراینا لە شاری زاپارۆژیا.

ئەوەشی خستووەتەڕوو، لەو هێرشەدا نزیکەی ١٥٠ سەربازی ئۆکرانی لە چالاکی خران و لەگەڵیشیاندا دوو تانکی جۆری 'M777'ی ئەمریکی، هەزار و ٥٠٠ گولـلەی ئەم جۆرە تانکە، شەش تانکی جۆری 'Msta-B'، هەشت تۆپهاوێژ، نزیکەی ٣٥٠ سیستمی فرەهاوێژی مووشەک و حەوت فڕۆکەی بێفڕۆکەوان، تێکشکێندران.

ئیگۆر کۆناشێنکۆڤ وتەبێژی وەزارەتی بەرگریی روسیا باسی لەوەش کرد کە لە ٢٤ کاتژمێری رابردوودا چوار ناوەندی بەڕێوەبردن و دوو عەمباری چەک و تەقەمەنی سوپای ئۆکرانیایان خاپوور کردووە و چوار فڕۆکەی بێفڕۆکەوانیشیان خستووەتە خوارەوە و تا ئێستا ٢٦١ فڕۆکەی جەنگی، ١٤٥ هێلیکۆپتەر، هەزار و ٦٨٥ فڕۆکەی بێفڕۆکەوان، ٣٦١ سیستمی بەرگریی ئاسمانی، چوار هەزار و ٢٥٤ تانک و زرێپۆش، ٧٨٩ سیستمی فرەهاوێژی موشەک، سێ هەزار و ٢٦٧ دەبابە و هاوەن، چوار هەزار و ٧١٦ ئۆتۆمبێلی سەربازیی هێزەکانی ئۆکرانیایان تێکشکاندووە.

ماوەی حەوت مانگە جەنگی نێوان روسیا و ئۆکرانیا بەردەوامە و روسیا دەڵێت، هێرشەکانی بۆ سەر ئۆکرانیا بە مەبەستی هاوکاریکردنی ئەو ئۆکرانیانەیە کە روسی زمانن و هەتا ئۆکرانیا پاشگەز نەبێتەوە لە دواکەی بۆ بوون بە ئەندام لە ناتۆ لە هێشەکانی ناوەستێت.





ئەم هەواڵە 127جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad