English | عربی | Kurdî دواهەواڵ
ڕاستەوخۆ  
 
روسیا ئاماری جەنگی نێوان خۆی ئۆكرانیا ئاشكرا دەكات
2022-08-06 [09:23 AM]

ZNA – هەولێر


گوتەبێژی وەزارەتی بەرگریی روسیا رایگەیاند، لە دەستپێکی جەنگەوە تا ئێستا سێ هەزار و ٢٦٧ تانک و هاوەنیان لە ئۆکراینا تێکشکاندووە.

ئیگۆر کۆناشێنکۆڤ گوتەبێژی وەزارەتی بەرگریی روسیا رایگەیاند، لە دەستپێکی جەنگی وڵاتەکەیەوە لەگەڵ ئۆکرانیا تا ئێستا 3 هەزار و 267 تانک و هاوەنیان لەو وڵاتە تێکشکاندووە.

کۆناشێنکۆڤ گوتیشی، هێزە سەربازییەکانی روسیا بەردەوامن لە هێرشکردنە سەر ناوەندە سەربازییەکانی ئۆکراینا و لە رێی چەکی هەستیارەوە هێرشیان کردووتە سەر عەمباری چەکی بەتالیۆنی 44ـی تۆپهاوێژەکانی ئۆکراینا لە شاری زاپارۆژیا.

ئەوەشی گوت، لەو هێرشەدا نزیکەی 150 سەربازی ئۆکرانی لە چالاکی خران و لەگەڵیشیاندا دوو تانکی جۆری 'M777'ی ئەمریکی، هەزار و 500 گولـلەی ئەم جۆرە تانکە، شەش تانکی جۆری 'Msta-B'، هەشت تۆپهاوێژ، نزیکەی 350 سیستمی فرەهاوێژی مووشەک و حەوت فڕۆکەی بێفڕۆکەوان، تێکشکێندران.

ئیگۆر کۆناشێنکۆڤ گوتەبێژی وەزارەتی بەرگریی روسیا باسی لەوەش کرد: کە لە 24 کاتژمێری رابردوودا چوار ناوەندی بەڕێوەبردن و دوو عەمباری چەک و تەقەمەنی سوپای ئۆکرانیایان خاپوور کردووە و چوار فڕۆکەی بێفڕۆکەوانیشیان خستووەتە خوارەوە و تا ئێستا 261 فڕۆکەی جەنگی، 145 هێلیکۆپتەر، هەزار و 685 فڕۆکەی بێفڕۆکەوان، 361 سیستمی بەرگریی ئاسمانی، چوار هەزار و 254 تانک و زرێپۆش، 789 سیستمی فرەهاوێژی موشەک، سێ هەزار و 267 دەبابە و هاوەن، چوار هەزار و 716 ئۆتۆمبێلی سەربازیی هێزەکانی ئۆکرانیایان تێکشکاندووە.

ماوەی حەوت مانگە جەنگی نێوان روسیا و ئۆکرانیا بەردەوامە و روسیا دەڵێت، هێرشەکانی بۆ سەر ئۆکرانیا بە مەبەستی هاوکاریکردنی ئەو ئۆکرانیانەیە کە روسی زمانن و هەتا ئۆکرانیا پاشگەز نەبێتەوە لە داواکەی بۆ بوون بە ئەندام لە ناتۆ لە هێرشەکانی ناوەستێت.

 





ئەم هەواڵە 178جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad