English | عربی | Kurdî دواهەواڵ
ڕاستەوخۆ  
 
پزیشكان هۆشداری لە مەترسی بەكارهێنانی هەویری ددان دەدەن
2022-08-13 [01:05 AM]

ZNA:هەولێر


پزیشكان هۆشدارییان داوە لە مەترسییەكانی بەكارهێنانی هەندێك جۆری هەویری ددان، كە لەلایەن بەرهەمهێنەرانەوە پێشكەش دەكرێت وەك ئەوەی بۆ سپیكردنەوەی ددانەكان دانراوە.

دكتۆر ئانا شاراندا و پزیشكی نەشتەرگەری ددان ماكسیم كۆپیلۆڤ لە كۆمپانیای PerfectSmile Cosmetic Dentistry ئاماژە بەوە دەكەن كە هەندێك جۆری هەویری ددان كە لەلایەن بەرهەمهێنەرانەوە پێشكەش دەكرێت وەك یارمەتیدەرێك لە سپیكردنەوەی ددانەكان، لە ڕاستیدا، ئەم كاریگەرییەیان نییە، جگە لەوەی زیان بە مینای ددانەكان دەگەیەنن. ئەو دوو پزیشكە چەند پێشنیارێك لەسەر بەكارهێنانی دروستی ئەم هەویرانە دەدەن.

بە گوتەی دكتۆر چاراندا، ئەو ڕەنگەی بەرپرسە لە ڕەنگی ددانەكان لەسەر ڕووی ددانەكان نییە، بەڵكو لە ناو تۆڕی بلوری ددانەكاندایە.

گوتیشی: زۆرترین شت كە ئەم هەویری ددانانە دەتوانن پێشكەشی بكەن، سپیكردنەوەی كەمێك لە مینای ددانەكانە، لەگەڵ كاریگەری ئۆكسجینی چالاك و لابردنی نیشتووی لیمۆی كەڵەكەبوو لەسەر ددانەكان. واتە ئەنجامێكی گەش نادات.

هەروەها دكتۆر كۆپیلۆڤ لەم بابەتەدا لەگەڵیدا هاوڕایە، بەڵام پێی وایە ئەم كاریگەرییە كەمە بەهۆی پێكهاتەی شەڕانگێزی هەویرەكانەوە دروست دەبێت، كە یارمەتیدەرە بۆ لابردنی نیشتوو و ڕەنگەكان.

ئاماژەی بەوەشكرد، ئەو كەسانەی زیادەڕەوی لەم هەویرانە دەكەن، تووشی زیادبوونی هەستیاری ددان و ئازار و وەرینی مینای ددان دەبنەوە، بۆیە رێنمایی دەكرێت جارجارە بەكاریبهێنن.





ئەم هەواڵە 199جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad