English | عربی | Kurdî دواهەواڵ
ڕاستەوخۆ  
 
وەزیرەكەی سەدر بۆلایەنگرانی: ئامادەی خۆپیشاندانی ملیۆنی بن و چاوەڕانی کات و رێنمایەکان بکەن
2022-08-14 [09:24 AM]

​ZNA – هەولێر


وەزیری سەدر داوای لە لایەنگرانی رەوتی سەدر کرد، "خۆپیشاندانی ملیۆنی دژبە گەندەڵی، میلیشیا و پارتە گەندەڵە دەسەڵاتدارەکان لە ناوەڕاستی بەغدا ئەنجام بدەن".

محەمەد ساڵح عێراقی كەبەوەزیری سەدر ناسراوە،  لە تویتێکدا نووسیوویەتی "داوا لە عێراقییەکان دەکەین، خۆپیشاندانی ملیۆنی لە گۆڕەپانی تەحریر ناوەڕاستی بەغدا ئەنجام بدەن".

ساڵح راشیگەیاندووە "ئەو خۆپیشاندانانەی کە لە ژمارەیەک پارێزگا ئەنجام دراون، ئامانج لێیان سەرخستنی عێراقە لە پێناو چاکسازیی و رزگارکردنی ئەوەی لێی ماوەتەوە، بۆ ئەوەی هاووڵاتییان نەبن بە پاروویەکی ئاسان بۆ گەندەڵکار و ستەمکاران، ھەروەھا بۆ میلیشیا و پاشکۆیەتی و پارتە گەندەڵە دەسەڵاتدارەکان".

محەمەد ساڵح عێراقی داوایشی کردووە کە ھەمووان لەسەرجەم پاڕێزگاکانەوە روو بکەنە  گۆڕەپانی تەحریر و دواتر بچنە ناوچەی سەوز و بەشداری لە مانگرتنەکانی لایەنگرانی رەوتی سەدر بکەن و خۆپیشاندانی ملیۆنی ئەنجام بدەن لە پێناو پاڵپشتیکردن لە چاکسازیی.

ئاماژەی بەوەیشداوە کە ئەنجامدانی خۆپیشاندانەکان، پەیامێکی ملیۆنی جەماوەرییە بۆ ھەموو جیھان لەوەی عێراق لەگەڵ چاکسازیی دایە و تیایدا شوێن بۆ گەندەڵی و گەندەڵکاران نییە.

وەزیرەکەی موقتەدا سەدر بۆ لایەنگرانی رەوتی سەدر لەبارەی کاتی ئەنجامدانی خۆپیشاندانی ملیۆنی لە ناوەڕاستی بەغدا نووسیوویەتی "ئامادەبن و چاوەڕانی کات و رێنمایەکان بکەن".

 





ئەم هەواڵە 238جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad