English | عربی | Kurdî دواهەواڵ
ڕاستەوخۆ  
 
ئەمەریکا و کۆریای باشوور مەشقی سەربازی هاوبەش ئەنجام دەدەن
2022-08-17 [01:36 AM]

ZNA - هه‌ولێر


 

سوپای کۆریای باشوور ئاشكرای كرد، هەفتەی داهاتوو ئەمەریکا و کۆریای باشوور گەورەترین مەشقی سەربازیی هاوبەش ئەنجام دەدەن، ئەوەش لەنێوەندی زیادبوونی دوژمنکارییەکانی کۆریای باکووردا کە تاقیکردنەوەی چەکەکانی و هەڕەشەکانی ململانێی ئەتۆمی دژی سیئۆل و واشنتن زیادکردووە.

مەشقە سەربازییەکەی ئەمەریکا و کۆریای باشوور لەژێر ناوی ئولچی فریدەم شیێڵددا دەبێت و لە 22 ی مانگی هەشتەوە دەستپێدەکات و لە 1 مانگی نۆدا کۆتایی دێت، مەشقەکان فڕۆکە و کەشتی جەنگی و تانک و دەیان هەزاران سەرباز لەخۆدەگرێت.

مەشقەکە تیشک دەخاتە سەر پابەندبوونی ئەمەریکا و کۆریای باشوورەوە بۆ دووبارە گەڕاندنەوەی مەشقە بەرفراوانە هاوبەشەکانیان دوای ئەوەی هەندێک لە مەشقە ئاساییە هاوبەشەکانی نێوانیان هەڵوەشاندەوە.

وەزارەتی بەرگری ئەمەریکاش گوتی هێزی دەریایی ئەمەریکا و کۆریای باشوور و ژاپۆن لە دەرەوەی کەناراوەکانی هاوای لە 8 ی مانگی هەشتەوە بۆ 14 ی هەمان مانگ بەشدارییان لە مەشقێکی گەڕان و چاودێریکردنی هۆشداری موشەک و موشەکی باڵیستیکی کردووە ، گوتیشی ئامانج لەو مەشقە پتەوکردنی هاریکارییە سێ قۆڵیەکانی نێوانیان بووە بەڕووی ئاستەنگییەکانی کۆریای باکووردا.

لە کاتێکدا ئەمەریکا و کۆریای باشوور مەشقە سەربازییەکانیان بە مەشقی بەرگریکردن ناودەبەن، بەدڵنیاییەوە مەشقی ئوڵچی فریدەم شییڵد کاردانەوەیەکی توڕەی کۆریای باکووری لێدەکەوێتەوە، کە پێی وایە سەرجەم مەشقە سەربازییەکانی هاوپەیمانان ئامادەکارییەکن بۆ داگیرکاری و وەکو بیانوویەک بەکاری هێناون بۆ گەشەپێدانی چەک و موشەکە ناوەکییەکانی.

ئەمەریکا و کۆریای باشوور دەڵێن کۆریای باکوور ئامادەکاری دەکات بۆ ئەنجامدانی تاقیکردنەوەیەکی چەکی ناوەکی کە دوایین جار لە ساڵی 2017 دا ئەنجامیدا.

 

voa





ئەم هەواڵە 193جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad