English | عربی | Kurdî دواهەواڵ
ڕاستەوخۆ  
 
تەرمی گەنجێک لە نزیک پردی دەلال لە ئاودا دەدۆزرێتەوە
2022-08-18 [05:19 AM]

ZNA- ھەولێر


گوتەبێژی بەڕێوەبەرایەتیی پۆلیسی زاخۆ رایگەیاند، تەرمی گەنجێکیان لە نێو ئاودا لە نزیک پردی دەلال دەرهێناوە و بەهۆی ئەوەی ناسنامەی پێنەبووە، هێشتا نازانرێت ئەو گەنجە تەمەن 16 ساڵییە کێیە و دانیشتووی چی ناوچەیەکە؛ داواش دەکات هەر خێزانێک گومان دەکەن تەرمەکە هی کەسێکی ئەوانە پەیوەندییان پێوەبکەن.

 

رۆژی پێنجشەممە 18ـی ئابی 2022، رائید نەهشەت سەلمان، گوتەبێژی پۆلیسی زاخۆ بە رووداوی گوت: "کاژێر 2ی دوای نیوەڕۆی ئەمڕۆ، تەرمی گەنجێکمان لە رووبار لە نزیک پردی دەلال لە زاخۆ دۆزیەوە؛ هێزەکانمان تەرمەکەیان دەرهێنا و بەهۆی ئەوەی  هیچ ناسنامەیەکی پێ نییە، نازانرێت ئەو گەنجە تەمەن 16 ساڵییە ناوی چییە و دانیشتووی کام ناوچەیەی هەرێمی کوردستانە."

 

رائید نەهشەت سەلمان گوتیشی: "تەرمی گەنجە خنکاوەکە لە دادپزیشکیی زاخۆیە و چاوەڕوانی ئەوەین کەسوکاری پەیوەندییمان پێوەبکەن، چونکە هیچ زانیارییەکی لەبارەوە نازانرێت."

 

گوتەبێژی بەڕێوەبەرایەتیی پۆلیسی زاخۆ ئاماژەی بۆ ئەوەشکرد، بەهۆی ئەوەی بەشێک لە گەنجەکان مەلەوانی نازانن، لەنێو رووباردا و لەکاتی مەلەکردن دەخنکێن؛ بۆیە باشترە ئەوانەی مەلەوانی دەکەن نەچنە شوێنی قووڵ و ئەو شوێنانەی شارەزاییان لەبارەیانەوە نییە.

 

لە وەرزی گەرمای ئەمساڵدا بەپێی ئامارەکانی بەرگریی شارستانی، تاوەکو ئێستا زیاتر لە 25 کەس لە رووبار و زێ و دەریاچەکانی هەرێمی کوردستاندا خنکاون.





ئەم هەواڵە 316جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad