English | عربی | Kurdî دواهەواڵ
ڕاستەوخۆ  
 
ئوردن بە فەرمی دانینا بە 9 نەخۆشخانەی هەرێمی کوردستان
2022-08-19 [05:23 AM]

ZNA-ھەولێر


ئوردن بە فەرمی دانینا بە 9 نەخۆشخانەی هەرێمی کوردستان بۆ پڕۆگرامی مەشقی پزیشکی.

سامان شێخ لەتیف، گوتەبێژی تەندروستی سلێمانی لە راگەیەندراوێکدا ئاماژەی بەوەکردووە، ئەنجوومەنی پزیشکی ئوردن لە نووسراوێکی فەرمیدا کە ئیمزای د. محەمەد مووسا ئەمینداری گشتی ئەنجوومەنەکەی لەسەرە ڕەزامەندی دەربڕیووە لەسەر دانپێدانان بە 9 نەخۆشخانەی هەرێمی کوردستان.

ئاماژەی بەوەشکردووە، نەخۆشخانەکان چواریان دەکەونە شاری سلێمانی و  سێ نەخۆشخانەیان دەکەونە پارێزگای دهۆک و دوو نەخۆشخانەشیان لە هەولێرن.

دانپێدانانی ژمارەیەک نەخۆشخانە لەلایەن ئەنجوومەنی پزیشکی ئوردنەوە دەبێتە هۆی هەماهەنگی زیاتر لە نێوانیان و هەروەها خوێندکارانی پزیشکی لە هەرێمی کوردستان دەتوانن بەشداری لە تاقیکردنەوەکانی بۆردی ئوردن بکەن.

گوتەبێژی تەندروستی سلێمانی دەڵێت، دانپێدانانە فەرمییەکە لەوەڵامی نووسراوێكی ئەنجوومەنی كوردستانی بۆ پسپۆڕییە پزیشكیەكان بووە سەبارەت بە بەدەستهێنانی دانپیادانانی ئەنجوومەنی پزیشكی ئوردنی بۆ ژمارەیەك نەخۆشخانە و پرۆگرامی مەشق لە هەرێمی كوردستان.





ئەم هەواڵە 301جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad