English | عربی | Kurdî دواهەواڵ
ڕاستەوخۆ  
 
کاسیمێرۆ داوایەک لە کریستیانۆ رۆناڵدۆ دەکات
2022-08-22 [03:16 AM]

ZNA - هەولێر


کاسێمیرۆ، یاریزانی بەرازیلیی یانەی مانچێستەر یونایتد، داوایەک لە کریستیانۆ رۆناڵدۆی هاوڕێی پێشووی و ئێستای دەکات.

 

ئەمڕۆ کاسیمێرۆ لە کۆنگرەیەکی رۆژنامەڤانیدا، ماڵئاوایی لە یانەی ریال مەدریدی ئیسپانی کرد، بۆ ئەوەی راستەوخۆ گەشت بەرەو شاری مانچێستەر بکات، بۆ پەیوەندیکردن بە ریزەکانی یانەی مانچێستەر یونایتد، کە بە گرێبەستێکی چوار ساڵی چووە ئەو یانەیە.

 

یاریزانە بەرازیلییەکە لە کاتی قسەکردن بۆ میدیاکان، داواکارییەکی لە کریستیانۆ رۆناڵدۆی ئەستێرەی پۆرتوگالی کرد، کە پێشتر چەندین ساڵ پێکەوە یارییان بۆ یانەی ریال مەدرید کردووە، پێکەوە چەندین نازناویان بردووەتەوە، جارێکی دیکە پێکەوە بۆ مانچێستەر یونایتد یاری دەکەنەوە.

 

کاسێمیرۆ، لەبارەی کریسەوە گوتی "هێشتا قسەم لەگەڵ رۆناڵدۆ نەکردووە، بەڵام بەپەرۆشم بۆ ئەوەی پێکەوە یاری بکەینەوە".

 

کاسیمێرۆ رووی قسەکانی لە دۆن کرد و گوتی "هیوادارم کریستیانۆ رۆناڵدۆ لە مانچێستەر یونایتد بمێنێتەوە".

 

یاریزانی بەرازیلی کە بە فرمێسکەوە ماڵئاوایی لە ریال مەدرید کرد، گوتیشی "دەچمە گەورەترین یانەی ئینگلتەرا، مانچێستەر یونایتد لە گەورەییدا رکابەریی ریال مەدرید دەکات".

 

کاسی هەروەها گوتیشی "دەمەوێت لەگەڵ مانجێستەر یونایتد نازناوی پرێمەرلیگ ببەمەوە". تەنانەت گوتیشی "ئەگەر بەدەستی من بووایە، ئەمشەو بەرامبەر لیڤەرپوول یاریم دەکرد".

 

 

رووداو 





ئەم هەواڵە 286جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad